Hverjir eru samstarfsaðilar Google?

Google vinnur með fyrirtækjum og samtökum á ýmsa vegu. Við vísum til þessara fyrirtækja og stofnana sem „samstarfsaðila“. Til dæmis eiga meira en 2 milljónir vefsvæða og forrita í samstarfi við Google um birtingu auglýsinga. Milljónir þróunaraðila birta forrit sín á Google Play. Aðrir samstarfsaðilar hjálpa Google að tryggja öryggi þjónustunnar; upplýsingar um öryggisógnir geta hjálpað okkur að láta þig vita ef reikningurinn þinn er í hættu. Ef það gerist hjálpum við þér að grípa til aðgerða til að vernda reikninginn þinn.

Athugaðu að við vinnum einnig með traustum fyrirtækjum sem eru „gagnavinnsluaðilar“ en ekki samstarfsaðilar, sem þýðir að þau vinna úr upplýsingum fyrir okkar hönd til að styðja við þjónustu okkar, samkvæmt fyrirmælum okkar og í samræmi við persónuverndarstefnu okkar og aðrar viðeigandi trúnaðar- og öryggisráðstafanir. Nánari upplýsingar um hvernig við notum gagnavinnsluaðila eru í persónuverndarstefnu Google.

Upplýsingar sem samstarfsaðilar Google á sviði auglýsinga safna eða taka við

Tilteknir samstarfsaðilar, sem taldir eru upp hér að neðan, geta safnað eða tekið við ópersónugreinanlegum upplýsingum um vafrann eða tækið þitt þegar þú notar vefsvæði og forrit Google. Þessir samstarfsaðilar safna þessum upplýsingum til að auglýsa og mæla auglýsingar með því að nota eigin fótspor eða svipaða tækni.

Við leyfum til dæmis höfundum efnis og auglýsendum á YouTube að vinna með matsfyrirtækjum til að afla upplýsinga um áhorfendur myndskeiða eða auglýsinga á YouTube með því að nota fótspor eða svipaða tækni.

Þú getur fengið frekari upplýsingar um hvernig þessir samstarfsaðilar safna og nota upplýsingar þínar:

YouTube gerir einnig auglýsendum og höfundum kleift að birta auglýsingar beint, með eigin auglýsingatækni, utan EES-ríkja.

Söluaðilar á verslunarsíðum okkar eru annað dæmi, en þeir nota fótspor til að komast að því hversu margir notendur sjá vöruauglýsingar þeirra.

Við deilum ekki persónugreinanlegum upplýsingum frá þér með samstarfsaðilum okkar á sviði auglýsinga, svo sem nafni eða netfangi, nema þú biðjir okkur um að deila þeim. Ef þú sérð til dæmis auglýsingu fyrir blómabúð í næsta nágrenni við þig og velur hnappinn „ýttu til að hringja“ komum við símtalinu á og deilum hugsanlega símanúmerinu þínu með blómabúðinni.

Lesa má nánar um upplýsingar sem Google safnar, þar á meðal frá samstarfsaðilum, í persónuverndarstefnunni.