Conas a choinníonn Google na sonraí a bhailímid

Bailímid sonraí de réir mar a úsáideann tú seirbhísí Google. Déantar cur síos ar na nithe a bhailímid, an fáth a mbailímid iad agus an chaoi ar féidir leat d'fhaisnéis a bhainistiú inár bPolasaí Príobháideachais. Déantar cur síos sa pholasaí coimeádta seo ar an bhfáth a gcoimeádaimid cineálacha ar leith sonraí ar feadh tréimhsí ama éagsúla.

Is féidir roinnt sonraí a scriosadh pé uair is mian leat, déantar roinnt sonraí a scriosadh go huathoibríoch agus coinnímid roinnt sonraí le haghaidh tréimhsí níos faide nuair is gá. Nuair a scriosann tú sonraí, leanaimid polasaí um scriosadh chun a chinntiú go mbaintear do shonraí go sábháilte agus go hiomlán dár bhfreastalaithe nó go gcoinnítear iad i bhfoirm anaithnidithe. An chaoi a ndéanann Google sonraí a anaithnidiú

Faisnéis a choinnítear go dtí go mbainfidh tú é

Cuirimid raon seirbhísí ar fáil a ligeann duit sonraí atá stóráilte i do Chuntas Google a cheartú nó a scriosadh. Mar shampla, is féidir leat:

• D'fhaisnéis phearsanta a chur in eagar
• Míreanna a scriosadh ó Mo Ghníomhaíocht
• Ábhar amhail grianghraif agus doiciméid a scriosadh
• Táirge a bhaint de do Chuntas Google
• Do Chuntas Google a scriosadh go hiomlán

Coinneoimid na sonraí sin i do Chuntas Google go dtí go roghnóidh tú iad a bhaint. Agus má úsáideann tú ár seirbhísí gan síniú isteach ar Chuntas Google, cuirimid ar do chumas thú roinnt faisnéise a scriosadh a bhaineann lena mbíonn in úsáid agat, amhail gléas, brabhsálaí nó aip, chun rochtain a fháil ar ár seirbhísí.

Sonraí a théann in éag tar éis tréimhse ama ar leith

I gcásanna áirithe, seachas bealach a chur ar fáil chun sonraí a scriosadh, stórálaimid iad ar feadh tréimhse réamhshocraithe ama. I gcás gach cineál sonraí, socraímid achar ama coinneála atá bunaithe ar chúis a mbailithe. Mar shampla, chun a chinntiú go dtaispeántar ár seirbhísí i gceart ar an-chuid cineálacha difriúla gléasanna, d'fhéadfaimis leithead agus airde an bhrabhsálaí a choinneáil ar feadh tréimhse suas le 9 mí. Déanaimid bearta chomh maith chun sonraí áirithe a anaithnidiú nó ainm bréige a chur orthu laistigh de thréimhsí ama socraithe. Mar shampla, déanaimid sonraí fógraíochta a anaithnidiú i logaí freastalaí trí chuid den seoladh IP a bhaint i ndiaidh 9 mí agus faisnéis fianán a bhaint i ndiaidh 18 mí. Is féidir linn sonraí le hainm bréige a choinneáil chomh maith, amhail iarratais a dínascadh ó Chuntais Google úsáideoirí, ar feadh tréimhse ama socraithe.

Faisnéis a choinneofar go dtí go scriosfar do Chuntas Google

Coinnímid roinnt sonraí fad is atá do Chuntas Google ann má tá na sonraí sin úsáideach chun cabhrú linn tuiscint a fháil ar an gcaoi a n-idirghníomhaíonn úsáideoirí lenár ngnéithe agus ar an gcaoi ar féidir linn ár seirbhísí a fheabhsú. Mar shampla, má scriosann tú seoladh a chuardaigh tú in Google Maps, is féidir le do chuntas a stóráil fós gur úsáid tú an ghné treoracha. Ar an mbealach sin, is féidir le Google Maps gan an chaoi leis an ngné treoracha a úsáid a thaispeáint duit amach anseo.

Faisnéis a choinnítear ar feadh tréimhsí ama fada chun críoch teoranta

Uaireanta cuireann ceanglais ghnó agus dlí iallach orainn faisnéis áirithe a choinneáil chun críoch sonrach agus ar feadh tréimhse fhada ama. Mar shampla, nuair a phróiseálann Google íocaíocht duit nó nuair a dhéanann tú íocaíocht le Google, coinneoimid na sonraí sin ar feadh tréimhsí níos faide ama de réir mar is gá chun críoch cánach nó cuntasaíochta. I measc na gcúiseanna ar féidir linn roinnt sonraí a choinneáil ar feadh tréimhsí níos faide ama tá:

• Slándáil, calaois agus mí-úsáid a chosc
• Coinneáil taifead airgeadais
• Ceanglais dlí nó rialála a chomhlíonadh
• Leanúnachas dár seirbhísí a chinntiú
• Cumarsáid dhíreach le Google

Scriosadh sábháilte agus iomlán a chumasú

Nuair a scriosann tú sonraí i do Chuntas Google, cuirimid tús láithreach leis an bpróiseas chun iad a bhaint den táirge agus dár gcórais. Ar dtús, déanaimid iarracht an ghníomhaíocht a bhaint de radharc agus ní féidir na sonraí a úsáid níos mó chun d'eispéireas Google a oiriúnú. Mar shampla, má scriosann tú físeán ar fhéach tú air ó do phainéal Mo Ghníomhaíocht, stopfaidh YouTube láithreach de bheith ag taispeáint do dhul chun cinn féachana don fhíseán sin.

Ansin cuirimid tús le próiseas atá deartha chun na sonraí a scriosadh go sábháilte agus go hiomlán ónár gcórais stórála. Tá scriosadh sábháilte tábhachtach lenár n-úsáideoirí agus lenár gcustaiméirí a chosaint ar chailliúint sonraí a tharlaíonn de thimpiste. Tá scriosadh iomlán sonraí ónár bhfreastalaithe chomh tábhachtach céanna do shuaimhneas intinne na n-úsáideoirí. Go ginearálta, glacann an próiseas sin thart ar 2 mhí ó am an scriosta. Is minic a chuimsítear ann tréimhse athshlánaithe a mhaireann suas le mí i gcásanna ina mbaineadh na sonraí de thimpiste.

Tá a phróiseas sonrach féin maidir le scrios sábháilte agus críochnúil ag gach córas stórais Google óna scriostar sonraí. D'fhéadfadh tardhul a dhéantar arís agus arís eile tríd an gcóras a bheith i gceist leis sin lena dheimhniú gur scriosadh na sonraí uile, nó moilleanna gearra a bheith ann chun deis a thabhairt teacht ar ais ó bhotúin. Mar thoradh, d'fhéadfadh scriosadh níos mó ama a ghlacadh nuair a bhíonn níos mó ama ag teastáil chun na sonraí a scriosadh go sábháilte agus go críochnúil.

Úsáideann ár gcuid seirbhísí stóras cúltaca chriptithe chomh maith mar shraith eile cosanta chun cabhrú le hathshlánú ó thubaistí féideartha. Féadfaidh sonraí fanacht ar na córais sin ar feadh suas le 6 mhí.

Mar is amhlaidh le haon phróiseas scriosta, d'fhéadfadh moill sna próisis agus achair ama a shonraítear san alt seo a bheith ann mar thoradh ar leithéidí gnáthchothabháil, éaradh seirbhíse nach rabhthas ag súil leis, fabhtanna, nó teipeadh maidir lenár bprótacail. Tá córais againn atá deartha chun fadhbanna dá leithéid a bhrath agus a chur ina gceart.