Política sobre usos prohibidos da IA xenerativa

Última modificación: 14 de marzo de 2023

Os modelos de IA xenerativa poden axudarche a explorar temas novos, inspirar a túa creatividade e adquirir novas aprendizaxes. Non obstante, esperamos que os utilices e que interactúes con eles dunha forma responsable e legal. Neste sentido, non debes utilizar os servizos de Google aos que se fai referencia nesta política para o seguinte:

1. Levar a cabo nin facilitar actividades perigosas, ilegais nin maliciosas, dentro das que se inclúen as que se indican a continuación:
   1. facilitación ou promoción de actividades ilegais ou infraccións da lei, como, por exemplo:
      1. promoción ou xeración de contido relacionado coa explotación ou o abuso sexual infantil
      2. promoción ou facilitación da venda de substancias, bens ou servizos ilegais, ou subministración de instrucións para a súa preparación ou o acceso a estes
      3. facilitación da comisión dalgún tipo de delito por parte dos usuarios ou incitación a esta
      4. promoción ou xeración de contido terrorista ou extremista violento
   2. usos inadecuados, danos, interferencias ou interrupcións de servizos (ou facilitación destas accións a terceiros), como, por exemplo:
      1. promoción ou facilitación da xeración ou da distribución de spam
      2. xeración de contido para actividades enganosas ou fraudulentas, estafas, phishing ou software malicioso
   3. intentos de saltar ou sortear filtros de seguranza, ou de facer de forma intencionada que o modelo actúe dunha maneira contraria ás nosas políticas
   4. xeración de contido que poida danar ou promover o dano de persoas físicas ou colectivos, como, por exemplo:
      1. xeración de contido no que se promova ou fomente o odio
      2. facilitación de métodos de acoso ou intimidación para amedrentar outras persoas, abusar delas ou insultalas
      3. xeración de contido no que se facilite ou se promova a violencia, ou no que se incite a ela
      4. xeración de contido no que se que faciliten, promovan ou fomenten as autolesións
      5. xeración de información que permita a identificación persoal para a súa distribución ou outros danos
      6. seguimento ou control de persoas sen o seu consentimento
      7. xeración de contido que poida ter repercusións inxustas ou adversas para algunhas persoas, en particular consecuencias relacionadas con características delicadas ou protexidas
2. Xerar e distribuír contido co propósito de ofrecer información falsa, falsear datos ou enganar mediante accións como as que se indican a continuación:
   1. falseamento de información acerca da procedencia de contido xerado alegando que foi creado por un ser humano ou presentándoo como orixinal, co obxecto de enganar
   2. xeración de contido no que se suplante a identidade dunha persoa (viva ou morta) sen unha comunicación explícita ao respecto, co obxecto de enganar
   3. declaracións enganosas conforme se posúen determinados coñecementos ou capacidades, en particular en eidos delicados (por exemplo, no ámbito sanitario, financeiro, legal ou de servizos públicos)
   4. adopción de decisións automatizadas en materias que teñen consecuencias sobre o benestar ou os dereitos materiais ou individuais (por exemplo, na esfera financeira, legal, laboral, sanitaria, de vivenda, seguros e benestar social)
3. Xerar contido sexual explícito: nisto englóbase o creado con fins pornográficos ou de satisfacción sexual (por exemplo, chatbots sexuais). Cómpre salientar que neste suposto non se inclúe o contido creado con fins científicos, educativos, documentais nin artísticos.