ಡೇಟಾ ಆ್ಯಕ್ಸೆಸಿಬಿಲಿಟಿ ಮತ್ತು ಅಳಿಸುವಿಕೆಯ ಪಾರದರ್ಶಕತೆ ವರದಿ

Google ನ ಗೌಪ್ಯತೆ ನೀತಿ ಮತ್ತು ಗೌಪ್ಯತೆ ಸಹಾಯ ಕೇಂದ್ರದಲ್ಲಿ ವಿವರಿಸಿರುವಂತೆ, ಬಳಕೆದಾರರು ತಮ್ಮ ಮಾಹಿತಿಯನ್ನು ಅಪ್‌ಡೇಟ್ ಮಾಡಲು, ನಿರ್ವಹಿಸಲು, ಆ್ಯಕ್ಸೆಸ್ ಮಾಡಲು, ರಫ್ತು ಮಾಡಲು ಹಾಗೂ ಅಳಿಸಲು, ಮತ್ತು Google ನ ಸೇವೆಗಳಾದ್ಯಂತ ತಮ್ಮ ಗೌಪ್ಯತೆಯನ್ನು ನಿಯಂತ್ರಿಸಲು ನಾವು ವಿವಿಧ ಟೂಲ್‌ಗಳನ್ನು ಒದಗಿಸುತ್ತೇವೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಪ್ರತಿ ವರ್ಷ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಲಕ್ಷಾಂತರ ಬಳಕೆದಾರರು Google ನ ನಿಮ್ಮ ಡೇಟಾ ಡೌನ್‌ಲೋಡ್ ಮಾಡಿ ಫೀಚರ್ ಅನ್ನು ಬಳಸುತ್ತಾರೆ ಅಥವಾ Google ನ ನನ್ನ ಚಟುವಟಿಕೆ ಫೀಚರ್ ಬಳಸಿಕೊಂಡು ಅವರ ಕೆಲವು ಡೇಟಾವನ್ನು ಅಳಿಸುತ್ತಾರೆ. ಈ ಟೂಲ್‌ಗಳು ಬಳಕೆದಾರರು ಪರಿಶೀಲಿಸಲು, ಡೌನ್‌ಲೋಡ್ ಮಾಡಲು ಅಥವಾ ಅಳಿಸಲು ಬಯಸುವ Google ನ ಸೇವೆಗಳಲ್ಲಿರುವ ನಿರ್ದಿಷ್ಟ ರೀತಿಯ ಡೇಟಾವನ್ನು ಆಯ್ಕೆ ಮಾಡಲು ಬಳಕೆದಾರರನ್ನು ಅನುಮತಿಸುತ್ತವೆ ಮತ್ತು ವಿನಂತಿಗಳನ್ನು ಸ್ವಯಂಚಾಲಿತವಾಗಿ ಪ್ರಕ್ರಿಯೆಗೊಳಿಸುತ್ತವೆ. ಹೆಚ್ಚುವರಿಯಾಗಿ, Google ಅನ್ನು ಸಂಪರ್ಕಿಸುವ ಮೂಲಕ ಕ್ಯಾಲಿಫೋರ್ನಿಯಾ ಗ್ರಾಹಕ ಗೌಪ್ಯತಾ ಕಾಯ್ದೆಯಂತಹ ವಿಶೇಷ ಗೌಪ್ಯತೆ ಕಾನೂನುಗಳ ಅನುಸಾರವಾಗಿ ಬಳಕೆದಾರರು ತಮ್ಮ ಹಕ್ಕುಗಳನ್ನು ಚಲಾಯಿಸಬಹುದು.

ಕೆಳಗಿನ ಟೇಬಲ್ ಈ ಪರಿಕರಗಳ ಬಳಕೆ ಮತ್ತು 2022 ರಲ್ಲಿನ ಸಂಪರ್ಕ ವಿಧಾನಗಳ ಕುರಿತು ಹೆಚ್ಚಿನ ಮಾಹಿತಿಯನ್ನು ಒದಗಿಸುತ್ತದೆ:

ನಮ್ಮ ಗೌಪ್ಯತೆ ನೀತಿಯಲ್ಲಿ ವಿವರಿಸಿರುವಂತೆ, ನಮ್ಮ ಬಳಕೆದಾರರ ವೈಯಕ್ತಿಕ ಮಾಹಿತಿಯನ್ನು Google ಮಾರಾಟ ಮಾಡುವುದಿಲ್ಲ. ಅಂತೆಯೇ, ಬಳಕೆದಾರರು ವೈಯಕ್ತಿಕ ಮಾಹಿತಿಯ ಮಾರಾಟ ಮಾಡುವ ಆಯ್ಕೆಯಿಂದ ಹೊರಗುಳಿಯಲು ವಿನಂತಿಗಳನ್ನು ಸಲ್ಲಿಸಿದಾಗ, ನಮ್ಮ ಅಭ್ಯಾಸಗಳು ಮತ್ತು ಬದ್ಧತೆಗಳನ್ನು ವಿವರಿಸುವ ಮೂಲಕ ಮತ್ತು Google ನ ಹೊರಗೆ ಹಂಚಿಕೊಳ್ಳಬಹುದಾದ ಸೀಮಿತ ಸಂದರ್ಭಗಳ ಹಾಗೂ ಅಂತಹ ಹಂಚಿಕೆಗೆ ಸಂಬಂಧಿಸಿದಂತೆ ಅವುಗಳು ಹೊಂದಿರುವ ನಿಯಂತ್ರಣಗಳ ಮಾಹಿತಿಯನ್ನು ಒದಗಿಸುವ ಮೂಲಕ ಈ ವಿನಂತಿಗಳಿಗೆ ನಾವು ಸ್ಪಂದಿಸುತ್ತೇವೆ.

* ಯುನೈಟೆಡ್ ಸ್ಟೇಟ್ಸ್ ಆಧಾರಿತ ಬಳಕೆದಾರರಿಗಾಗಿ ಡೇಟಾ

** ತಮ್ಮನ್ನು ತಾವು ಕ್ಯಾಲಿಫೋರ್ನಿಯಾ ನಿವಾಸಿಗಳೆಂದು ಗುರುತಿಸಿಕೊಳ್ಳುವ ಬಳಕೆದಾರರಿಗಾಗಿ ಡೇಟಾ