Viðbótarþjónustuskilmálar gervigreindar sem býr til efni
Síðast breytt: 9. ágúst 2023 | Eldri útgáfur
Til að nota Google-þjónustur sem vísa til þessara skilmála („Þjónustur“) þarftu að samþykkja (1) þjónustuskilmála Google og (2) þessa viðbótarþjónustuskilmála gervigreindar sem býr til efni.
Vinsamlegast lestu þessi skjöl vandlega. Sameiginlega eru þessi skjöl kölluð „Skilmálar“. Í þeim kemur fram hvers þú getur vænst af okkur þegar þú notar þjónustur okkar og hvers við væntum af þér.
Við hvetjum þig einnig til að lesa persónuverndarstefnuna okkar (og allar upplýsingar um persónuvernd sem tengjast tiltekinni þjónustu) til að skilja betur hvaða upplýsingum við söfnum og hvernig þú getur uppfært, stjórnað, flutt og eytt upplýsingunum þínum.
Aldursskilyrði
Auk hlutans „Aldursskilyrði“ í þjónustuskilmálum Google ber þér að fylgja hvers kyns öðrum aldursskilyrðum sem fram koma í tengslum við þjónustuna.
Takmarkanir á notkun
Þú mátt ekki nota þessar þjónustur til að þróa vélnámslíkön eða tengda tækni.
Til viðbótar við hlutann „Virðing við aðra“ í þjónustuskilmálum Google þarftu að fylgja reglum okkar um óleyfilega notkun sem veita viðbótarupplýsingar um viðeigandi hegðun þegar þú notar þjónusturnar.
Þjónusturnar fela í sér öryggiseiginleika sem loka fyrir skaðlegt efni, t.d. efni sem brýtur gegn reglum okkar um óleyfilega notkun. Líkt og fram kemur í hlutanum „Virðing við aðra“ í þjónustuskilmálum Google er ekki leyfilegt að reyna að sneiða hjá öryggisráðstöfunum eða nota efni sem brýtur gegn þessum skilmálum.
Þér ber að fylgja tilkynningum innan þjónustunnar, ef við á, t.d. hvers kyns viðvörunum um að senda ekki inn viðkvæmar upplýsingar eða trúnaðarupplýsingar.
Fyrirvarar
Þjónustan kann að bjóða upp á óviðeigandi eða móðgandi efni sem endurspeglar ekki viðhorf Google.
Sýndu aðgát áður en þú reiðir þig á, birtir eða notar efni sem þjónusturnar veita.
Ekki reiða þig á þjónusturnar hvað varðar læknisráðgjöf, lögfræðiráðgjöf, fjármálaráðgjöf eða aðra faglega ráðgjöf. Efni sem tengist þessum umfjöllunarefnum er eingöngu veitt í upplýsingaskyni og kemur ekki í stað ráðlegginga frá hæfum fagaðilum.