Datu-transferentzien inguruko zuzenbide-esparruak

Indarrean jartzeko data: 2020(e)ko irailakren 30(a)

Herrialde bakoitzak bere legeak ditu datuak babestearen inguruan; batzuek besteek baino babes gehiago eskaintzen dute. Informazioa non prozesatzen den kontuan izan gabe, beti aplikatzen ditugu Pribatutasun-gidalerroetan azaldutako babesak. Halaber, datu-transferentzien inguruko zuzenbide-esparru jakin batzuk ere gordetzen ditugu; adibidez, behean aipatutako Europako zuzenbide-esparruak.

Europako Batzordeak xedatu duenez, Europako Esparru Ekonomikotik (EEE) kanpo dauden herrialde batzuek behar bezala babesten dituzte datu pertsonalak. Hemen berrikus ditzakezu Europako Batzordeak arestian aipatutakoari buruz hartutako erabakiak. Datuak EEEtik beste herrialde batzuetara (adibidez, Ameriketako Estatu Batuetara) transferitzeko, Europar Batasuneko legeek eskaintzen duten babes-maila bereko zuzenbide-esparruak gordetzen ditugu.

Kontratu-ereduen klausulak

Europako Batzordeak kontratu-ereduen klausulak erabiltzea onartu du, EEEtik kanpo datuak transferitzeko orduan behar bezalako babesa ematen dela ziurtatzeko. Datuak transferituko dituzten alderdien arteko kontratuan kontratu-ereduen klausulak sartuta, datuak babestutzat joko dira egokitasun-erabaki baten pean ez dauden herrialdeetara transferitzen direnean EEEtik edo Erresuma Batutik.

Datuak transferitzeko hartzen ditugu oinarritzat eredu moduko klausula horiek.

Enpresetarako zerbitzuen bezeroei eskaintzen dizkie Google-k kontratu-ereduen klausula horiek; adibidez, Google Workspace, Google Cloud Platform, Google Ads, eta iragarkiekin eta neurketekin erlazionatutako beste produktu batzuk darabiltenei. Google-k kontratu-ereduen klausulak enpresetarako zerbitzuetarako nora erabiltzen dituen jakiteko, joan privacy.google.com/businesses helbidera.

EU-U.S. Privacy Shield (EB eta AEB arteko pribatutasuna babesteko lege-esparrua) eta Swiss-U.S. Privacy Shield (Suitza eta AEB arteko pribatutasuna babesteko lege-esparrua)

Gure pribatutasuna babesteko Privacy Shield ziurtagirian adierazi bezala, AEBko merkataritza-sailak xedatutako EU-U.S. Privacy Shield Framework eta Swiss-U.S. Privacy Shield Framework gordetzen ditugu, Europar Batasuneko kide diren herrialdeetako (Europako Esparru Ekonomikoko kideak barne), Erresuma Batuko eta Suitzako biztanleen informazio pertsonala biltzeari, erabiltzeari eta gordetzeari dagokienez. Privacy Shield-eko printzipioak gordetzen dituela ziurtatu du Google-k, Google LLC eta osoki haren jabetzakoak diren AEBko filialak barne (berariaz kanpoan utzi ezean). Google-ren ardura da Transferentzia progresiboaren printzipioaren pean hirugarrenekin partekatzen den informazio pertsonala (gure izenean prozesa dezaten), zure informazioa partekatzeari buruzko atalean adierazi bezala. Privacy Shield programari buruzko informazio gehiago lortzeko eta Google-ren ziurtagiria ikusteko, joan Privacy Shield programaren webgunera.

Pribatutasuna babesteko ziurtagiriaren pribatutasun-jardunbideei buruzko zalantzarik izanez gero, jarri harremanetan gurekin. AEBko Merkataritza Departamentuaren (FTC) ikerketa-boterearen eta botere betearazlearen mende dago Google. Bestela, kexa bat aurkez dezakezu datuak babesteko dagokizun erakunde ofizialean eta haiekin batera saiatuko gara zure kezka argitzen. Kasu jakin batzuetan, bestela ebatzi ezin izan diren kexak ebazteko epai lotesleak ematen ditu pribatutasuna babesteko lege-esparruak, pribatutasuna babesteko printzipioen I. eranskinean azaltzen den bezala.

2020ko uztailaren 16tik aurrera, ez dugu EU-U.S. Privacy Shield (EB eta AEB arteko pribatutasuna babesteko lege-esparrua) hartuko oinarritzat EEEtik edo Erresuma Batutik AEBra transferitutako datuei dagokienez.

Google-ren aplikazioak
Menu nagusia