Definitions
- অস্বীকাৰমূলক ঘোষণা
- আপোনাৰ সমল
- গ্ৰাহক
- ট্ৰেডমাৰ্ক
- দায়বদ্ধতা
- প্ৰতিষ্ঠান
- বৌদ্ধিক সম্পত্তিৰ অধিকাৰ (IP অধিকাৰ)
- ব্যৱহাৰকাৰী ব্যৱসায়ী
- ৱাৰেণ্টী
- সহযোগী
- সেৱা
- স্বত্বাধিকাৰ
- ক্ষতিপূৰণ কৰা অথবা ক্ষতিপূৰণ
অস্বীকাৰমূলক ঘোষণা
কাৰোবাৰ আইনী দায়বদ্ধতা সীমিত কৰা এটা বক্তব্য।
আপোনাৰ সমল
আমাৰ সেৱাসমূহ ব্যৱহাৰ কৰি আপুনি সৃষ্টি কৰা, আপল’ড কৰা, দাখিল কৰা, ষ্ট’ৰ কৰা, পঠিওৱা, গ্ৰহণ কৰা অথবা শ্বেয়াৰ কৰা বস্তু, যেনে:
- আপুনি সৃষ্টি কৰা ডক্, শ্বীট আৰু শ্লাইড
- আপুনি Bloggerৰ জৰিয়তে আপল’ড কৰা ব্লগ প’ষ্ট
- Mapsৰ জৰিয়তে দাখিল কৰা পৰ্যালোচনা
- আপুনি Driveত ষ্ট’ৰ কৰা ভিডিঅ’
- আপুনি Gmailৰ জৰিয়তে পঠিওৱা আৰু লাভ কৰা ইমেইল
- আপুনি Photosৰ জৰিয়তে বন্ধুৰ সৈতে শ্বেয়াৰ কৰা প্ৰতিচ্ছবি
- আপুনি Googleৰ সৈতে শ্বেয়াৰ কৰা ভ্ৰমণপঞ্জী
গ্ৰাহক
নিজৰ বাণিজ্য, ব্যৱসায়, শিল্প অথবা পেছাৰ বাহিৰত ব্যক্তিগত, অ-বাণিজ্যিক উদ্দেশ্যত Google সেৱাসমূহ ব্যৱহাৰ কৰা এগৰাকী ব্যক্তি। (ব্যৱহাৰকাৰী ব্যৱসায়ী চাওক)
ট্ৰেডমাৰ্ক
বাণিজ্যত ব্যৱহৃত চিহ্ন, নাম আৰু প্ৰতিচ্ছবিসমূহে এগৰাকী ব্যক্তি অথবা এটা প্ৰতিষ্ঠানৰ প্ৰ’ডাক্ট অথবা সেৱাক আন এগৰাকী ব্যক্তি অথবা আন এটা প্ৰতিষ্ঠানৰ প্ৰ’ডাক্ট অথবা সেৱাৰ পৰা পৃথক কৰিব পাৰে।
দায়বদ্ধতা
যিকোনো ধৰণৰ আইনী দাবীৰ পৰা হোৱা লোকচান, দাবীটো কোনো চুক্তি, টৰ্ট (গাফিলতিকে ধৰি) অথবা অন্যান্য কাৰণৰ ওপৰত ভিত্তি কৰিয়েই হওক আৰু সেই লোকচানসমূহ যুক্তিসংগতভাৱে আশা কৰা অথবা পূৰ্বানুমান কৰিব পৰা গ’লহেঁতেননে নাই।
প্ৰতিষ্ঠান
এটা আইনগত প্ৰতিষ্ঠান (যেনে- নিগম, জনকল্যাণমূলক সংস্থা অথবা বিদ্যালয়) আৰু কোনো গাইগুটীয়া ব্যক্তি নহয়।
বৌদ্ধিক সম্পত্তিৰ অধিকাৰ (IP অধিকাৰ)
ব্যক্তিৰ মনৰ সৃষ্টিৰ ওপৰত অধিকাৰ, যেনে- উদ্ভাৱন (পেটেণ্টৰ অধিকাৰ), সাহিত্য আৰু কলাত্মক ৰচনা (স্বত্বাধিকাৰ), ডিজাইন (ডিজাইনৰ অধিকাৰ) আৰু বাণিজ্যত ব্যৱহৃত চিহ্ন, নাম আৰু প্ৰতিচ্ছবি (ট্ৰেডমাৰ্ক)। IP অধিকাৰ আপোনাৰ, অন্য ব্যক্তি অথবা প্ৰতিষ্ঠানৰ হ’ব পাৰে।
ব্যৱহাৰকাৰী ব্যৱসায়ী
এগৰাকী ব্যক্তি অথবা এটা এণ্টিটী যি উপভোক্তা নহয় (উপভোক্তা চাওক)।
ৱাৰেণ্টী
এটা আশ্বাস যে এটা প্ৰ’ডাক্ট অথবা সেৱাই এটা নিৰ্দিষ্ট মানৰ কাম কৰিব।
সহযোগী
Googleৰ কোম্পানীৰ গোটৰ অন্তৰ্ভুক্ত এটা সংস্থা, যাৰ অৰ্থ হৈছে EUত উপভোক্তা সেৱা আগবঢ়োৱা এই কোম্পানীসমূহকে ধৰি Google LLC আৰু ইয়াৰ দ্বাৰা নিয়ন্ত্ৰিত কোম্পানী: Google Ireland Limited, Google Commerce Limited আৰু Google Dialer Inc.।
সেৱা
এই চৰ্তাৱলীৰ অধীনত থকা Google সেৱাসমূহ হৈছে https://policies.google.com/terms/service-specificত সূচীবদ্ধ কৰা প্ৰ’ডাক্ট আৰু সেৱা, য’ত এয়া অন্তৰ্ভুক্ত:
- এপ্ আৰু ছাইট (Search আৰু Mapsৰ দৰে)
- প্লেটফৰ্ম (যেনে- Google Shopping)
- একত্ৰিত সেৱা (যেনে- অন্য কোম্পানীৰ এপ্ অথবা ছাইটত এম্বেড কৰা Maps)
- (Google Nestৰ দৰে) ডিভাইচ আৰু বস্তু
এই সেৱাসমূহৰ বহুতো সেৱাত আপুনি ষ্ট্ৰীম কৰিব পৰা অথবা ভাব-বিনিময় কৰিব পৰা সমলো অন্তৰ্ভুক্ত।
স্বত্বাধিকাৰ
কোনো মূল কাম (ব্লগ প’ষ্ট, ফট’ অথবা ভিডিঅ’)ৰ সৃষ্টিকৰ্তাগৰাকীক নিৰ্দিষ্ট কিছুমান সীমাবদ্ধতা আৰু ব্যতিক্ৰম অনুসৰি অন্য লোকে সেই মূল কামটো ব্যৱহাৰ কৰিব পাৰিব নে নোৱাৰে আৰু যদি পাৰে, কিদৰে কৰিব পাৰে তাৰ সিদ্ধান্ত ল’বলৈ দিয়া এক আইনী অধিকাৰ (যেনে আইনসন্মত ব্যৱহাৰ অথবা আইনসন্মত লেনদেন)।
ক্ষতিপূৰণ কৰা অথবা ক্ষতিপূৰণ
গোচৰৰ দৰে আইনগত ব্যৱস্থাৰ পৰা আন ব্যক্তি অথবা প্ৰতিষ্ঠানৰ হোৱা লোকচানৰ ক্ষতিপূৰণ দিয়াৰ কোনো ব্যক্তি অথবা প্ৰতিষ্ঠানৰ চুক্তিবদ্ধ বাধ্যবাধকতা।