Googleৰ সেৱাৰ চৰ্তাৱলী

২২ মে’, ২০২৪ৰ পৰা কাৰ্যকৰী | Archived versions | Download PDF

দেশীয় সংস্কৰণ: মাৰ্কিন যুক্তৰাষ্ট্ৰ

এই চৰ্তাৱলীত কি সামৰি লোৱা হৈছে

আমি জানো যে এই সেৱাৰ চৰ্তসমূহ নপঢ়াকৈ এৰি যোৱাৰ লোভ সামৰাটো কঠিন, কিন্তু আপুনি Google সেৱাসমূহ ব্যৱহাৰ কৰাৰ সময়ত আমাৰ পৰা কি আশা কৰিব পাৰে আৰু আমি আপোনাৰ পৰা কি আশা কৰোঁ সেইটো সাব্যস্ত কৰাটো এটা গুৰুত্বপূৰ্ণ কথা।

এই সেৱাৰ চৰ্তাৱলীয়ে Googleৰ ব্যৱসায়ে কাম কৰাৰ ধৰণ, আমাৰ কোম্পানীৰ ওপৰত প্ৰযোজ্য আইন আৰু আমি সঁচা বুলি সদায় বিশ্বাস কৰা কিছুমান কথাক প্ৰতিফলিত কৰে। ফলস্বৰূপে, এই সেৱাৰ চৰ্তাৱলীয়ে আপুনি আমাৰ সেৱাসমূহৰ সৈতে ভাব-বিনিময় কৰাৰ সময়ত আপোনাৰ সৈতে Googleৰ সম্পৰ্কৰ সংজ্ঞা নিৰূপণ কৰাত সহায় কৰে। উদাহৰণস্বৰূপে, এই চৰ্তাৱলীৰ ভিতৰত তলত দিয়া বিষয়বস্তুৰ শিৰোনামসমূহ অন্তৰ্ভুক্ত কৰা হৈছে:

• আপুনি আমাৰ পৰা কি আশা কৰিব পাৰে, যি আমি আমাৰ সেৱাসমূহ কেনেকৈ প্ৰদান কৰোঁ আৰু বিকাশ কৰোঁ সেয়া বৰ্ণনা কৰে
• আমি আপোনাৰ পৰা কি আশা কৰোঁ, যিয়ে আমাৰ সেৱাসমূহ ব্যৱহাৰ কৰাৰ ক্ষেত্ৰত কিছুমান নিয়ম প্ৰতিষ্ঠা কৰে
• Google সেৱাসমূহত উপলব্ধ সমল, যিয়ে আপুনি আমাৰ সেৱাসমূহত বিচাৰি পোৱা বিষয়বস্তুৰ বৌদ্ধিক সম্পত্তিৰ অধিকাৰৰ বিষয়ে বৰ্ণনা কৰে — লাগিলে সেই সমল আপোনাৰ, Google অথবা আন কাৰোবাৰেই নহওক কিয়
• সমস্যা অথবা মতানৈক্যৰ ক্ষেত্ৰত, যিয়ে আপোনাৰ অন্যান্য আইনী অধিকাৰসমূহ আৰু কোনোবাই এই চৰ্তাৱলী উলংঘা কৰিলে কি আশা কৰিব পাৰি সেয়া বৰ্ণনা কৰে

এই চৰ্তসমূহ বুজাটো গুৰুত্বপূৰ্ণ, কাৰণ আমাৰ সেৱাসমূহ এক্সেছ কৰি বা ব্যৱহাৰ কৰি (আপুনি কোনো Google একাউণ্টত ছাইন ইন কৰি থওকেই বা নথওকেই), আপুনি এই চৰ্তসমূহত সন্মতি দিয়ে।

Besides these terms, we also publish a Privacy Policy. We encourage you to read it to better understand how you can update, manage, export, and delete your information.

চৰ্তাৱলী

সেৱা প্ৰদানকাৰী

Google সেৱাসমূহ এই কোম্পানীয়ে যোগান ধৰে আৰু আপুনি এই কোম্পানীৰ সৈতে চুক্তি কৰে:

Google LLC
আমেৰিকাৰ ডেলাৱেৰ ৰাজ্যৰ আইনৰ অধীনত প্ৰতিষ্ঠা কৰা আৰু আমেৰিকা যুক্তৰাষ্ট্ৰৰ আইন অনুসৰি সঞ্চালিত

1600 Amphitheatre Parkway
Mountain View, California 94043
আমেৰিকা যুক্তৰাষ্ট্ৰ

বয়সৰ আৱশ্যকতা

যদি আপুনি আপোনাৰ নিজৰ Google একাউণ্ট পৰিচালনা কৰিবলৈ প্ৰয়োজনীয় বয়সতকৈ কম বয়সৰ, তেন্তে আপুনি Google একাউণ্ট ব্যৱহাৰ কৰিবলৈ আপোনাৰ অভিভাৱক অথবা বৈধ অভিভাৱকৰ অনুমতি থাকিবই লাগিব। অনুগ্ৰহ কৰি আপোনাৰ অভিভাৱক অথবা বৈধ অভিভাৱকক এই চৰ্তাৱলী আপোনাৰ সৈতে পঢ়িবলৈ দিয়ক।

যদি আপুনি এগৰাকী অভিভাৱক অথবা বৈধ অভিভাৱক আৰু আপুনি আপোনাৰ শিশুক সেৱাসমূহ ব্যৱহাৰ কৰিবলৈ অনুমতি দিয়ে, তেন্তে এই চৰ্তাৱলী আপোনাৰ বাবে প্ৰযোজ্য আৰু আপুনি আপোনাৰ শিশুটিয়ে সেৱাসমূহত কৰা কাৰ্যকলাপৰ বাবে দায়বদ্ধ।

কিছুমান Google সেৱাৰ সেইবিলাকৰ সেৱা-নিৰ্দিষ্ট অতিৰিক্ত চৰ্ত আৰু নীতিত বৰ্ণনা কৰা ধৰণে অতিৰিক্ত বয়সৰ প্ৰয়োজনীয়তা থাকে।

Googleৰ সৈতে আপোনাৰ সম্পৰ্ক

এই চৰ্তসমূহে আপোনাৰ আৰু Googleৰ মাজৰ সম্পৰ্ক সংজ্ঞায়িত কৰাত সহায় কৰে। When we speak of “Google,” “we,” “us,” and “our,” we mean Google LLC and its affiliates. মোটামুটিভাৱে ক’বলৈ গ’লে, আমি আপোনাক আমাৰ সেৱাসমূহ এক্সেছ আৰু ব্যৱহাৰ কৰাৰ অনুমতি দিওঁ যদি আপুনি এই চৰ্তসমূহ মানি চলিবলৈ সন্মত হয়, যিসমূহে Googleৰ ব্যৱসায়ে কেনেকৈ কাম কৰে আৰু আমি কেনেকৈ ধন উপাৰ্জন কৰোঁ তাক প্ৰতিফলিত কৰে।

আপুনি আমাৰ পৰা কি আশা কৰিব পাৰে

এক ব্যাপক পৰিসৰৰ সহায়ক সেৱা যোগান ধৰা

এই সেৱাসমূহৰ বহুতো সেৱাত আপুনি ষ্ট্ৰীম কৰিব পৰা অথবা ভাব-বিনিময় কৰিব পৰা সমলো অন্তৰ্ভুক্ত।

আমাৰ সেৱাসমূহ একেলগে কাম কৰিবলৈ ডিজাইন কৰা হৈছে, যিয়ে আপুনি এটা কাৰ্যকলাপৰ পৰা আনটোলৈ যোৱাটো সহজ কৰি তোলে। উদাহৰণস্বৰূপে, যদি আপোনাৰ Calendarৰ অনুষ্ঠানত কোনো ঠিকনা অন্তৰ্ভুক্ত হৈ আছে, আপুনি সেই ঠিকনাটোত ক্লিক কৰিলে Mapsএ আপোনাক তালৈ কিদৰে যাব লাগে সেয়া দেখুৱাব পাৰে।

Google সেৱাসমূহ বিকাশ, উন্নত আৰু আপডে’ট কৰা

আমি আমাৰ সেৱাসমূহ উন্নত কৰিবলৈ অবিৰতভাৱে নতুন প্ৰযুক্তি আৰু সুবিধা বিকাশ কৰি আছোঁ। উদাহৰণস্বৰূপে, আপোনাক একে সময়তে অনুবাদ প্ৰদান কৰিবলৈ আৰু আগতকৈ ভালকৈ স্পাম আৰু মালৱেৰ চিনাক্ত কৰিবলৈ আমি কৃত্ৰিম বুদ্ধিমত্তা আৰু মেচিন শিক্ষণ ব্যৱহাৰ কৰোঁ। এই অবিৰত উন্নীতকৰণৰ অংশ হিচাপে, মাজে সময়ে আমি সুবিধা আৰু কাৰ্যক্ষমতা যোগ দিওঁ অথবা আঁতৰাওঁ, আমাৰ সেৱাসমূহত থকা সীমা বৃদ্ধি অথবা হ্ৰাস কৰোঁ আৰু নতুন সেৱা প্ৰদান কৰা আৰম্ভ কৰোঁ অথবা পুৰণি সেৱাবোৰ প্ৰদান কৰা বন্ধ কৰোঁ। কোনো সেৱাৰ বাবে ডাউনল’ড কৰিব পৰা বা আগতীয়াকৈ ল’ড কৰা ছফ্টৱেৰৰ আৱশ্যক হ’লে অথবা তাত তেনে ছফ্টৱেৰ অন্তৰ্ভুক্ত হৈ থাকিলে, কোনো নতুন সংস্কৰণ অথবা সুবিধা উপলব্ধ হ’লে আপোনাৰ ডিভাইচত সেই ছফ্টৱেৰটো কেতিয়াবা স্বয়ংক্ৰিয়ভাৱে আপডে’ট হয়। কিছুমান সেৱাই আপোনাক আপোনাৰ স্বয়ংক্ৰিয় আপডে’টৰ ছেটিং মিলাবলৈ দিয়ে।

যদি আমি এনে বস্তুগত সালসলনি কৰোঁ যিয়ে আপোনাৰ সেৱাৰ ব্যৱহাৰত নেতিবাচক প্ৰভাৱ পেলায় অথবা যদি আমি সেৱা এটা আগবঢ়োৱা বন্ধ কৰোঁ, আমি অপব্যৱহাৰ প্ৰতিৰোধ কৰা, আইনী আৱশ্যকতাৰ প্ৰতি সঁহাৰি দিয়া অথবা সুৰক্ষা আৰু কাৰ্যকৰীতাৰ সমস্যাসমূহ সমাধান কৰাৰ দৰে জৰুৰী পৰিস্থিতিৰ বাহিৰে আপোনাক যুক্তিসংগত আগতীয়া জাননী প্ৰদান কৰিম। আমি লগতে প্ৰযোজ্য আইন আৰু নীতি অনুসৰি Google Takeout ব্যৱহাৰ কৰি আপোনাক আপোনাৰ Google একাউণ্টৰ পৰা আপোনাৰ সমল ৰপ্তানি কৰাৰ সুযোগো প্ৰদান কৰিম।

আমি আপোনাৰ পৰা কি আশা কৰোঁ

এই চৰ্তাৱলী আৰু সেৱা-নিৰ্দিষ্ট অতিৰিক্ত চৰ্ত মানি চলক

আপুনি লগতে সন্মতি দিয়ে যে আপুনি আমাৰ সেৱাসমূহ ব্যৱহাৰ কৰিলে, সেই ক্ষেত্ৰত আমাৰ গোপনীয়তাৰ নীতি প্ৰযোজ্য হয়। আমি লগতে সাধাৰণ প্ৰশ্নবোৰৰ উত্তৰ দিবলৈ আৰু আমাৰ সেৱাসমূহ ব্যৱহাৰ কৰাৰ বিষয়ে প্ৰত্যাশা নিৰ্ধাৰণ কৰিবলৈ স্বত্বাধিকাৰ সম্পৰ্কীয় সহায় কেন্দ্ৰ, সুৰক্ষা কেন্দ্ৰ, স্বচ্ছতা কেন্দ্ৰ আৰু আমাৰ নীতিৰ ছাইটৰ পৰা আমাৰ প্ৰযুক্তিৰ বিৱৰণৰ দৰে সমল প্ৰদান কৰোঁ। অৱশেষত, আমি আমাৰ সেৱাৰ ভিতৰত নিৰ্দিষ্ট নিৰ্দেশাৱলী আৰু সকীয়নি প্ৰদান কৰিব পাৰোঁ – যেনে, আপোনাক গুৰুত্বপূৰ্ণ তথ্যৰ প্ৰতি সতৰ্ক কৰা ডায়লগ বাকচ।

যদিও আমি আপোনাক আমাৰ সেৱাসমূহ ব্যৱহাৰ কৰাৰ অনুমতি দিওঁ, আমি সেৱাসমূহত থকা যিকোনো বৌদ্ধিক সম্পত্তিৰ অধিকাৰ নিজৰ হাতত ৰাখোঁ।

আনক সন্মান কৰক

আমাৰ সেৱা-নিৰ্দিষ্ট অতিৰিক্ত চৰ্তাৱলী আৰু নীতিসমূহে, যেনে - আমাৰ Generative AIএ নিষিদ্ধ কৰা ব্যৱহাৰৰ নীতিয়ে উপযুক্ত আচৰণৰ বিষয়ে অতিৰিক্ত সবিশেষ প্ৰদান কৰে, যাক সেই সেৱাসমূহ ব্যৱহাৰ কৰা সকলোৱে অনুসৰণ কৰিব লাগিব। যদি আপুনি গম পায় যে আনে এই নিয়মসমূহ অনুসৰণ কৰা নাই, আমাৰ বহুতো সেৱাই আপোনাক অপব্যৱহাৰ সম্পৰ্কে অভিযোগ দিবলৈ অনুমতি দিয়ে। যদি আমি অপব্যৱহাৰ সম্পৰ্কীয় কোনো অভিযোগৰ ওপৰত কাৰ্যব্যৱস্থা গ্ৰহণ কৰোঁ, আমি সমস্যাৰ উদ্ভৱ হ’লে কাৰ্যব্যৱস্থা হাতত লোৱা শাখাত বৰ্ণনা কৰা প্ৰক্ৰিয়াটোও প্ৰদান কৰোঁ।

আমাৰ সেৱাসমূহৰ অপব্যৱহাৰ নকৰিব

আমাৰ সেৱাসমূহ এক্সেছ বা ব্যৱহাৰ কৰা বেছিভাগ লোকে ইণ্টাৰনেট সুৰক্ষিত আৰু মুকলি ৰখা সাধাৰণ নিয়মবোৰ বুজি পায়। দুৰ্ভাগ্যবশতঃ, কম সংখ্যক লোকে সেই নিয়মবোৰ মানি নচলে, সেয়েহে আমি আমাৰ সেৱা আৰু ব্যৱহাৰকাৰীসকলক অপব্যৱহাৰৰ পৰা সুৰক্ষিত কৰিবলৈ ইয়াত সেইবোৰ বৰ্ণনা কৰি আছোঁ। এই উদ্দেশ্যৰে:

• মালৱেৰ এৰি দি
• স্পাম কৰি, হেক কৰি বা আমাৰ ছিষ্টেম বা সুৰক্ষা ব্যৱস্থা এৰাই চলি
• আমাৰ সুৰক্ষা আৰু বাগ পৰীক্ষণ প্ৰ’গ্ৰামৰ অংশ হোৱাৰ বাহিৰে জেইলব্ৰেকিং, এডভাৰ্ছেৰিয়েল প্ৰম্প্‌ট বা প্ৰম্প্‌ট ইনজেকশ্বনৰ যোগেদি
• আমাৰ সেৱা বা সমল প্ৰৱঞ্চনামূলক বা প্ৰতাৰণামূলক উপায়েৰে এক্সেছ বা ব্যৱহাৰ কৰি, যেনে:
• ফিশ্বিং কৰি
• ভুৱা পৰ্যালোচনাকে ধৰি ভুৱা একাউণ্ট বা সমল সৃষ্টি কৰি
• জেনেৰেটিভ AI সমল এগৰাকী মানুহে সৃষ্টি কৰিছিল বুলি ভাবিবলৈ আনক বিপথে পৰিচালিত কৰি
• আপুনি (বা আন কোনোবাই) সৃষ্টি কৰা সেৱা প্ৰদান কৰা যিবোৰ প্ৰকৃততে আমি সৃষ্টি কৰা
• আমি সৃষ্টি কৰা যেন লগা সেৱা প্ৰদান কৰা যিবোৰ আমি সৃষ্টি কৰা নহয়
• যিকোনো লোকৰ আইনী অধিকাৰ, যেনে বৌদ্ধিক সম্পত্তি বা গোপনীয়তাৰ অধিকাৰ উলংঘন কৰিবলৈ আমাৰ সেৱাসমূহ (তেওঁলোকে প্ৰদান কৰা সমলকে ধৰি) ব্যৱহাৰ কৰা
• প্ৰযোজ্য আইনে যদিহে অনুমতি নিদিয়ে, ব্যৱসায়ৰ ৰহস্য বা অন্যান্য মালিকানাধীন তথ্য আহৰণ কৰিবলৈ আমাৰ মেচিন শিক্ষণৰ মডেলৰ দৰে আমাৰ সেৱা বা অন্তৰ্নিহিত প্ৰযুক্তিৰ ইঞ্জিনীয়াৰিং ৰিভাৰ্ছ কৰি
• আমাৰ ৱেব পৃষ্ঠাত (উদাহৰণস্বৰূপে, ক্ৰলিং, প্ৰশিক্ষণ বা অন্যান্য কাৰ্যকলাপৰ অনুমতি নিদিয়া robots.txt ফাইল) মেচিনে পঢ়িব পৰা নিৰ্দেশনা উলংঘা কৰি আমাৰ যিকোনো সেৱাৰ পৰা সমল এক্সেছ কৰাৰ বাবে স্বয়ংক্ৰিয় উপায় ব্যৱহাৰ কৰি
• মেচিন শিক্ষণৰ মডেল বা সম্পৰ্কিত AI প্ৰযুক্তিৰ বিকাশ কৰিবলৈ আমাৰ সেৱাসমূহৰ পৰা AI-সৃষ্ট সমল ব্যৱহাৰ কৰি
• এই চৰ্তাৱলী উলংঘন কৰিবলৈ আপুনি কোন সেয়া লুকুৱাই ৰাখি বা ভুলকৈ উপস্থাপন কৰি
• আনক এই চৰ্তাৱলী উলংঘন কৰিবলৈ উৎসাহিত কৰা সেৱা প্ৰদান কৰি

আপোনাৰ সমল ব্যৱহাৰ কৰাৰ অনুমতি

আমাৰ কিছুমান সেৱা আপোনাক আপোনাৰ সমল আপল’ড, দাখিল, ষ্ট’ৰ, প্ৰেৰণ, গ্ৰহণ অথবা শ্বেয়াৰ কৰিবলৈ ডিজাইন কৰা হৈছে। আমাৰ সেৱাসমূহক কোনো সমল প্ৰদান কৰিবলৈ আপোনাৰ কোনো বাধ্যবাধকতা নাই আৰু আপুনি প্ৰদান কৰিব বিচৰা সমল আপুনি স্বাধীনচিতীয়াকৈ বাছনি কৰিব পাৰে। যদি আপুনি সমল আপল’ড অথবা শ্বেয়াৰ কৰিবলৈ বাছনি কৰে, অনুগ্ৰহ কৰি নিশ্চিত কৰক যে আপোনাৰ তেনে কৰাৰ ক্ষেত্ৰত আৱশ্যকীয় অধিকাৰ আছে আৰু সেই সমল আইনসংগত।

Google সেৱাসমূহ ব্যৱহাৰ কৰা

Your Google Account

যদি আপুনি এই বয়সৰ আৱশ্যকতাসমূহ পূৰ কৰে, আপুনি আপোনাৰ সুবিধাৰ বাবে এটা Google একাউণ্ট সৃষ্টি কৰিব পাৰে। কিছুমান সেৱাই কাম কৰিবলৈ আপোনাৰ এটা Google একাউণ্ট থকাটো আৱশ্যক হয় — উদাহৰণস্বৰূপে, Gmail ব্যৱহাৰ কৰিবলৈ আপোনাক এটা Google একাউণ্টৰ প্ৰয়োজন যাতে আপোনাৰ ইমেইল পঠিয়াবলৈ আৰু লাভ কৰিবলৈ ঠাই থাকে।

আপোনাৰ Google একাউণ্ট সুৰক্ষিত ৰখাৰ বাবে যুক্তিসংগত পদক্ষেপ লোৱাকে ধৰি আপোনাৰ Google একাউণ্টৰ সৈতে আপুনি কি কৰে তাৰ বাবে আপুনি দায়বদ্ধ আৰু আমি আপোনাক নিয়মিতভাৱে সুৰক্ষা সম্পৰ্কীয় পৰীক্ষা ব্যৱহাৰ কৰিবলৈ উৎসাহ দিওঁ।

কোনো সংস্থা অথবা ব্যৱসায়ৰ হৈ Google সেৱা ব্যৱহাৰ কৰা

সেৱা সম্পৰ্কীয় যোগাযোগ

আপোনাক আমাৰ সেৱাসমূহ প্ৰদান কৰিবলৈ, আমি কেতিয়াবা আপোনালৈ সেৱাৰ ঘোষণা আৰু অন্যান্য তথ্য প্ৰেৰণ কৰোঁ। আমি আপোনাৰ সৈতে কেনেদৰে যোগাযোগ কৰোঁ সেই বিষয়ে অধিক জানিবলৈ, Googleৰ গোপনীয়তাৰ নীতি চাওক।

যদি আমাৰ সেৱাসমূহ উন্নত কৰাৰ বাবে পৰামৰ্শ দিয়াৰ দৰে আপুনি আমাক মতামত দিবলৈ বাছনি কৰে, আমি আপোনাৰ প্ৰতি কোনো বাধ্যবাধকতা নোহোৱাকৈ আপোনাৰ মতামতৰ ওপৰত কাৰ্যব্যৱস্থা গ্ৰহণ কৰিব পাৰোঁ।

Google সেৱাসমূহত উপলব্ধ সমল

আপোনাৰ সমল

আমাৰ কিছুমান সেৱাই আপোনাক মৌলিক সমল সৃষ্টি কৰিবলৈ অনুমতি দিয়ে। Googleএ সেই সমলৰ ওপৰত মালিকীস্বত্ব দাবী নকৰে।

আমাৰ কিছুমান সেৱাই আপোনাক আপোনাৰ সমল ৰাজহুৱাভাৱে উপলব্ধ কৰাৰ সুযোগ দিয়ে — উদাহৰণস্বৰূপে, আপুনি লিখা কোনো প্ৰ’ডাক্ট অথবা ৰেষ্টুৰেণ্টৰ পৰ্যালোচনা প’ষ্ট কৰিব পাৰে অথবা আপুনি সৃষ্টি কৰা এটা ব্লগ প’ষ্ট আপল’ড কৰিব পাৰে।

• আপোনাৰ সমলৰ ওপৰত থকা আপোনাৰ অধিকাৰ আৰু আপোনাৰ সমল আমাৰ সেৱাসমূহত কেনেদৰে ব্যৱহাৰ কৰা হয় সেই বিষয়ে অধিক তথ্যৰ বাবে আপোনাৰ সমল ব্যৱহাৰৰ অনুমতি শাখাটো চাওক
• আমি আমাৰ সেৱাসমূহৰ পৰা ব্যৱহাৰকাৰীয়ে সৃষ্টি কৰা সমল কিয় আৰু কেনেকৈ আঁতৰাব পাৰোঁ সেই বিষয়ে জানিবলৈ আপোনাৰ সমল আঁতৰোৱা শীৰ্ষক শাখাটো চাওক

যদি আপুনি ভাবে যে কোনোবাই আপোনাৰ বৌদ্ধিক সম্পত্তিৰ অধিকাৰ উলংঘা কৰিছে, তেন্তে আপুনি আমালৈ উলংঘাৰ জাননী প্ৰেৰণ কৰিব পাৰে আৰু আমি উপযুক্ত ব্যৱস্থা গ্ৰহণ কৰিম। উদাহৰণস্বৰূপে, আমি আমাৰ স্বত্বাধিকাৰৰ সহায় কেন্দ্ৰত বৰ্ণনা কৰা ধৰণে বাৰে বাৰে স্বত্বাধিকাৰ উলংঘা কৰা Google একাউণ্ট নিলম্বন অথবা বন্ধ কৰোঁ।

Googleৰ সমল

আমাৰ কিছুমান সেৱাত এনেকুৱা সমল আছে যিবোৰ Googleৰ অন্তৰ্গত, যেনে — আপুনি Google Mapsত দেখিবলৈ পোৱা ভিজুৱেল চিত্ৰণ। আপুনি হয়তো এই চৰ্তাৱলী আৰু কোনো সেৱা-নিৰ্দিষ্ট অতিৰিক্ত চৰ্তাৱলীয়ে অনুমতি দিয়া ধৰণে Googleৰ সমল ব্যৱহাৰ কৰিব পাৰে, কিন্তু আমি আমাৰ সমলত থকা আটাইবোৰ বৌদ্ধিক সম্পত্তিৰ অধিকাৰ বৰ্তাই ৰাখোঁ। আমাৰ কোনো ব্ৰেণ্ডিং, ল’গ’ অথবা আইনী জাননী আঁতৰাই নেপেলাব, অস্পষ্ট নকৰিব অথবা সলনি নকৰিব। আপুনি যদি আমাৰ ব্ৰেণ্ডিং অথবা ল’গ’ ব্যৱহাৰ কৰিবলৈ বিচাৰে, অনুগ্ৰহ কৰি Google ব্ৰেণ্ডৰ অনুমতিৰ পৃষ্ঠাখন চাওক।

অন্য সমল

অৱশেষত, আমাৰ কিছুমান সেৱাই আপোনাক অন্য লোক অথবা প্ৰতিষ্ঠানৰ সমল এক্সেছ কৰিবলৈ দিয়ে — উদাহৰণস্বৰূপে, এটা ষ্ট’ৰৰ মালিকৰ নিজৰ ব্যৱসায়ৰ বিৱৰণ অথবা Google Newsত প্ৰদৰ্শিত বাতৰি কাকতৰ প্ৰবন্ধ। আপুনি এই সমল সেই ব্যক্তি অথবা প্ৰতিষ্ঠানৰ অনুমতি অবিহনে অথবা আইনৰ দ্বাৰা অন্যথা অনুমোদন নজনালে ব্যৱহাৰ কৰিব নোৱাৰিব। আন ব্যক্তি অথবা প্ৰতিষ্ঠানৰ সমলত প্ৰকাশ কৰা মতামতসমূহ তেওঁলোকৰ নিজৰ আৰু সেইবিলাকে Googleৰ মতামত প্ৰতিফলিত কৰে বুলি কোনো কথা নাই।

Google সেৱাসমূহত ব্যৱহৃত ছফ্টৱেৰ

আমাৰ কিছুমান সেৱাত ডাউনল’ড কৰিব পৰা বা আগতীয়াকৈ ল’ড কৰা ছফ্টৱেৰ থাকে। আমি আপোনাক সেই ছফ্টৱেৰ সেৱাসমূহৰ অংশ হিচাপে ব্যৱহাৰ কৰাৰ অনুমতি দিওঁ।

আমাৰ কিছুমান সেৱাত ছফ্টৱেৰ অন্তৰ্ভুক্ত কৰা হয় যিবোৰ মুক্ত উৎস অনুজ্ঞাপত্ৰৰ চৰ্তাৱলীৰ অধীনত প্ৰদান কৰা হয় আৰু সেইবোৰ আমি আপোনাৰ বাবে উপলব্ধ কৰোঁ। কেতিয়াবা মুক্ত উৎস অনুজ্ঞাপত্ৰত এনে বিধান থাকে যিয়ে এই চৰ্তাৱলীৰ কোনো অংশ স্পষ্টভাৱে অ’ভাৰৰাইড কৰে, গতিকে অনুগ্ৰহ কৰি সেই অনুজ্ঞাপত্ৰসমূহ পঢ়াটো নিশ্চিত কৰক।

আপুনি আমাৰ সেৱা অথবা ছফ্টৱেৰৰ কোনো অংশ প্ৰতিলিপি, সংশোধন, বিতৰণ, বিক্ৰী কৰিব অথবা লীজত দিব নোৱাৰে।

কোনো সমস্যা অথবা মতানৈক্যৰ উদ্ভৱ হ’লে

Warranty disclaimer

We built our reputation on providing useful, reliable services like Google Search and Maps, and we’re continuously improving our services to meet your needs. However, for legal purposes, we offer our services without warranties unless explicitly stated in our service-specific additional terms. The law requires that we explain this using specific legal language and that we use capital letters to help make sure you see it, as follows:

TO THE EXTENT ALLOWED BY APPLICABLE LAW, WE PROVIDE OUR SERVICES “AS IS” WITHOUT ANY EXPRESS OR IMPLIED WARRANTIES, INCLUDING THE IMPLIED WARRANTIES OF MERCHANTABILITY, FITNESS FOR A PARTICULAR PURPOSE, AND NON-INFRINGEMENT. FOR EXAMPLE, WE DON’T MAKE ANY WARRANTIES ABOUT THE CONTENT OR FEATURES OF THE SERVICES, INCLUDING THEIR ACCURACY, RELIABILITY, AVAILABILITY, OR ABILITY TO MEET YOUR NEEDS.

চিকিৎসা, আইনী, বিত্তীয় অথবা অন্যান্য পেছাদাৰী পৰামৰ্শৰ বাবে সেৱাসমূহৰ ওপৰত নিৰ্ভৰ নকৰিব। সেই বিষয়বোৰৰ সৈতে জড়িত যিকোনো সমল কেৱল তথ্য প্ৰদানৰ উদ্দেশ্যেহে প্ৰদান কৰা হয় আৰু সেইবোৰ কোনো যোগ্যতাসম্পন্ন পেছাদাৰী লোকৰ পৰা পোৱা পৰামৰ্শৰ বিকল্প নহয়।

দায়বদ্ধতা

সকলো ব্যৱহাৰকাৰীৰ বাবে

সমস্যাৰ ক্ষেত্ৰত আপুনি অথবা Googleএ আনজনৰ পৰা কি দাবী কৰিব পাৰে সেই বিষয়ে আইন আৰু এই চৰ্তাৱলী দুয়োটাই ভাৰসাম্য বজাই ৰাখিবলৈ চেষ্টা কৰে। সেয়েহে আইন অনুসৰি এই চৰ্তাৱলীৰ অধীনত কিছুমান দায়বদ্ধতাৰ বাবে সকলোৱে দায়বদ্ধ হ’ব লাগিব — কিন্তু আনৰ বাবে নহয়।

এই চৰ্তাৱলীয়ে প্ৰযোজ্য আইনে অনুমতি দিয়া অনুসৰি কেৱল আমাৰ দায়িত্বহে সীমিত কৰে। These terms don’t limit liability for gross negligence or willful misconduct.

কেৱল ব্যৱহাৰকাৰী ব্যৱসায়ী আৰু প্ৰতিষ্ঠানৰ বাবে

যদি আপুনি এগৰাকী ব্যৱহাৰকাৰী ব্যৱসায়ী অথবা এটা প্ৰতিষ্ঠান:

• প্ৰযোজ্য আইনে অনুমতি দিয়া পৰ্যন্ত, আপুনি সেৱাসমূহ বেআইনীভাৱে ব্যৱহাৰ কৰা অথবা এই চৰ্তাৱলী অথবা সেৱা-নিৰ্দিষ্ট অতিৰিক্ত চৰ্তাৱলী উলংঘন কৰাৰ ফলত উদ্ভৱ হোৱা অথবা সম্পৰ্কিত তৃতীয় পক্ষৰ কোনো আইনগত ব্যৱস্থাৰ (চৰকাৰী কৰ্তৃপক্ষই লোৱা কাৰ্যব্যৱস্থাকে ধৰি) বাবে আপুনি Google আৰু ইয়াৰ পৰিচালক, বিষয়া, কৰ্মচাৰী আৰু ঠিকাদাৰৰ পৰা ক্ষতিপূৰণ বিচাৰি পাৰে। এই ক্ষতিপূৰণে দাবী, লোকচান, ক্ষতি, ৰায়, জৰিমনা, মোকৰ্দমাৰ খৰচ আৰু আইনী সেৱা ব্যৱহাৰৰ মাচুলৰ আটাইবোৰ দায়বদ্ধতা অথবা তাৰ ফলত উদ্ভৱ হোৱা খৰচ সাঙুৰি লয়।
• যদি আপুনি আইনগতভাৱে ক্ষতিপূৰণকে ধৰি নিৰ্দিষ্ট কিছুমান দায়িত্বৰ পৰা ৰেহাই পাইছে, তেন্তে এই চৰ্তাৱলীৰ অধীনত সেই দায়িত্বসমূহ আপোনাৰ ক্ষেত্ৰত প্ৰযোজ্য নহয়। উদাহৰণস্বৰূপে, ৰাষ্ট্ৰসংঘই আইনী বাধ্যবাধকতাৰ বিৰুদ্ধে কিছুমান বিশেষ ৰক্ষাকৱচ লাভ কৰে আৰু এই চৰ্তাৱলীয়ে সেই ৰক্ষাকৱচক অ’ভাৰৰাইড নকৰে।

কোনো সমস্যাৰ উদ্ভৱ হ’লে কাৰ্যব্যৱস্থা হাতত লোৱা

তলত বৰ্ণনা কৰা ধৰণে কাৰ্যব্যৱস্থা লোৱাৰ আগতে, আমি আপোনাক যুক্তিসংগতভাৱে সম্ভৱ হ’লে আগতীয়া জাননী দিম, আমি লোৱা কাৰ্যব্যৱস্থাৰ কাৰণ বৰ্ণনা কৰিম আৰু আপোনাক সমস্যাটো স্পষ্ট কৰাৰ আৰু ইয়াক সমাধান কৰাৰ সুযোগ দিম, যদিহে তেনে কৰিলে:

• কোনো ব্যৱহাৰকাৰী, তৃতীয় পক্ষ অথবা Googleৰ ক্ষতি অথবা দায়বদ্ধতাৰ সৃষ্টি হ’ব
• আইন অথবা আইন বলৱৎকাৰী কৰ্তৃপক্ষ আদেশ উলংঘা কৰা হ’ব
• আপোচ আৰু অনুসন্ধান
• আমাৰ সেৱাসমূহৰ সঞ্চালনা, অখণ্ডতা অথবা সুৰক্ষাৰ সৈতে আপোচ কৰা হ’ব

আপোনাৰ সমল আঁতৰোৱা

If any of your content (1) breaches these terms, service-specific additional terms or policies, (2) violates applicable law, or (3) could harm our users, third parties, or Google, then we reserve the right to take down some or all of that content in accordance with applicable law. ইয়াৰ উদাহৰণৰ ভিতৰত আছে শিশুৰ পৰ্ন’গ্ৰাফী, মানৱ সৰবৰাহ অথবা হাৰাশাস্তি দিয়াৰ সুবিধা প্ৰদান কৰা সমল, সন্ত্ৰাসবাদীয়ে অথবা তেওঁলোকৰ হকে প্ৰস্তুত কৰা সমল আৰু অন্য কোনো লোকৰ বৌদ্ধিক সম্পত্তিৰ অধিকাৰ উলংঘন কৰা সমল।

আপোনাৰ Google সেৱাসমূহৰ এক্সেছ নিলম্বন অথবা সমাপ্ত কৰা

আমাৰ আন কোনো অধিকাৰ সীমিত নকৰাকৈ, Googleএ আপোনাৰ সেৱাসমূহৰ এক্সেছ নিলম্বন অথবা বন্ধ কৰিব পাৰে অথবা যদি এনে কোনো ঘটনা ঘটে, তেন্তে আপোনাৰ Google একাউণ্ট মচিব পাৰে:

• আপুনি বস্তুগতভাৱে অথবা বাৰে বাৰে এই চৰ্তাৱলী, সেৱা-নিৰ্দিষ্ট অতিৰিক্ত চৰ্তাৱলী অথবা নীতি উলংঘন কৰে
• আমি কোনো আইনী প্ৰয়োজনীয়তা অথবা আদালতৰ আদেশ মানি চলিবলৈ তেনে কৰিব লগা হয়
• your conduct causes harm or liability to a user, third party, or Google — for example, by hacking, phishing, harassing, spamming, misleading others, or scraping content that doesn’t belong to you

আমি কিয় একাউণ্টসমূহ অক্ষম কৰোঁ আৰু যেতিয়া আমি এয়া কৰোঁ, তেতিয়া কি হয় সেই বিষয়ে অধিক তথ্যৰ বাবে, এই সহায় কেন্দ্ৰ পৃষ্ঠাখন চাওক। যদি আপুনি বিশ্বাস কৰে যে আপোনাৰ Google একাউণ্টটো ভুলতে নিলম্বিত অথবা বন্ধ কৰা হৈছে, আপুনি আপীল কৰিব পাৰে।

অৱশ্যে, আপুনি যিকোনো সময়তে আমাৰ সেৱাসমূহ ব্যৱহাৰ কৰা বন্ধ কৰিব পাৰে। যদি আপুনি কোনো সেৱা ব্যৱহাৰ কৰা বন্ধ কৰে, তেন্তে আমি আপুনি কিয় তেনে কৰিলে জানিবলৈ পালে ভাল পাম, যাতে আমি আমাৰ সেৱাসমূহৰ উন্নতি কৰি থাকিব পাৰোঁ।

বিবাদ নিষ্পত্তি কৰা, বলৱৎ হৈ থকা আইন আৰু আদালত

Googleৰ সৈতে কেনেকৈ যোগাযোগ কৰিব পাৰি সেই বিষয়ক তথ্যৰ বাবে অনুগ্ৰহ কৰি আমাৰ যোগাযোগৰ পৃষ্ঠালৈ যাওক।

এই চৰ্তাৱলী, সেৱা-নিৰ্দিষ্ট অতিৰিক্ত চৰ্তাৱলী অথবা যিকোনো সম্পৰ্কিত সেৱাৰ পৰা উদ্ভৱ হোৱা অথবা সেইবোৰৰ সৈতে জড়িত আটাইবোৰ বিবাদ, আইনৰ সংঘাতৰ নিয়ম নিৰ্বিশেষে কেলিফৰ্নিয়াৰ আইনৰ অধীন হ’ব। এই বিবাদসমূহ কেৱল আমেৰিকাৰ কেলিফৰ্নিয়াৰ ছাণ্টা ক্লাৰা কাউণ্টীৰ ফেডাৰেল অথবা ৰাজ্যিক আদালতত সমাধান কৰা হ’ব আৰু আপুনি আৰু Googleএ সেই আদালতসমূহৰ ব্যক্তিগত ক্ষেত্ৰাধিকাৰত সন্মতি দিয়ে।