किशोरवयीन मुलांसाठी गोपनीयता मार्गदर्शक
Google वरील तुमची गोपनीयता
गोपनीयतेबद्दल आम्हाला विचारल्या जाणाऱ्या काही टॉप प्रश्नांची उत्तरे तुम्हाला इथे मिळू शकतात, जसे की, डेटा म्हणजे काय? तसेच तुम्हाला अधिक जाणून घ्यायचे असल्यास, गोपनीयता धोरण पहा.
तुमचे स्थान
Google ला माझे स्थान माहीत आहे का?
तुम्ही इंटरनेट वापरता, तेव्हा अ‍ॅप्स आणि साइट तुम्ही कुठे आहात याचा साधारण अंदाज लावू शकतात व हे Google देखील करू शकते. तुमच्या डिव्हाइस सेटिंग्जनुसार, Google तुमचे अचूक स्थानदेखील जाणून घेऊ शकते. (माझे स्थान किती अचूक असते? हे पहा)
तुम्ही Search, Maps किंवा Google Assistant यासारख्या Google च्या उत्पादनांवर शोधता, तेव्हा तुम्हाला अधिक उपयुक्त परिणाम देण्यासाठी तुमचे सद्य स्थान वापरले जाऊ शकते. उदाहरणार्थ, तुम्ही रेस्टॉरंट शोधत असल्यास, तुमच्या जवळपासची रेस्टॉरंट हे सर्वात उपयुक्त परिणाम असू शकतात.
तुम्ही तुमचे स्थान कसे व्यवस्थापित करू शकता हे पहा
मला स्थान कसे सुरू आणि बंद करता येईल?
तुम्ही Google वर शोधाल, तेव्हा जिथून शोधत आहात त्या सर्वसाधारण भागाचा Google नेहमीच अंदाज लावेल. इंटरनेटशी कनेक्ट करणारे तुम्ही वापरत असलेले कोणतेही अ‍ॅप किंवा साइट याप्रमाणे Google तुमच्या डिव्हाइसच्या आयपी अ‍ॅड्रेसच्या आधारे तुमच्या स्थानाचा अंदाज लावू शकते. अधिक माहितीसाठी, मी कुठे आहे हे Google ला कसे कळते? हे पहा
तुम्ही Google वापरताना तुमचे अचूक स्थान पाठवायचे का हे निवडण्यासाठी, स्वतंत्र अ‍ॅप्स, साइट आणि तुमचे डिव्हाइस यांकरिता स्थान परवानग्या सुरू किंवा बंद करू शकता.
तुम्ही तुमचा घराचा किंवा ऑफिसचा पत्ता सेट केल्यास आणि तुम्ही घरी अथवा ऑफिसमध्ये असल्याचा Google ने अंदाज लावल्यास, तुमच्या शोधासाठी नेमका पत्ता वापरला जाईल.
माझे स्थान किती अचूक असते?
तुमचा सर्वसाधारण भाग
तुम्ही Google वर शोधाल, तेव्हा जिथून शोधत आहात त्या सर्वसाधारण भागाचा Google नेहमीच अंदाज लावेल. या प्रकारे Google तुम्हाला सुसंबद्ध परिणाम दाखवू शकते आणि नवीन शहरामधून साइन इन करणे यासारखी नेहमीपेक्षा वेगळी अ‍ॅक्टिव्हिटी डिटेक्ट करून तुमचे खाते सुरक्षित ठेवू शकते.
सर्वसाधारण भाग ३ चौरस किलोमीटरपेक्षा मोठा असतो आणि त्यामध्ये किमान १००० वापरकर्ते असतात, त्यामुळे तुमच्या शोधाच्या सर्वसाधारण भागामध्ये तुम्हाला ओळखता येत नाही व तुमच्या गोपनीयतेचे संरक्षण करण्यात मदत होते.
तुमचे अचूक स्थान
तुम्ही परवानगी दिल्यास, Google तुमचे अचूक स्थान वापरू शकते. उदाहरणार्थ, “माझ्या जवळचे आइस्क्रीम” यासारख्या शोधांसाठी सर्वात सुसंबद्ध परिणाम देण्याकरिता किंवा दुकानापर्यंत टर्न-बाय-टर्न चालण्याचे दिशानिर्देश मिळवण्याकरिता Google ला तुमच्या अचूक स्थानाची आवश्यकता असते.
अचूक स्थान म्हणजे तुम्ही नेमके कुठे आहात याची माहिती, जसे की विशिष्ट पत्ता.
Google ला माझे स्थान कसे समजते?
तुमच्या स्थानाची माहिती विविध स्रोतांकडून मिळते आणि तुम्ही कुठे आहात याचा अंदाज लावण्यासाठी एकत्रितपणे वापरली जाते.
तुमच्या डिव्हाइसचा आयपी अ‍ॅड्रेस
फोन नंबरच्या एरिया कोडसारखे आयपी अ‍ॅड्रेस साधारणतः भौगोलिक स्थानावर आधारित असतात. याचा अर्थ असा, की google.com सह, तुम्ही वापरत असलेले कोणतेही अ‍ॅप किंवा वेबसाइट तुमच्या आयपी अ‍ॅड्रेसमुळे तुम्ही जिथे आहात त्या सर्वसाधारण भागाचा अंदाज लावू शकते. तुमचा इंटरनेट सेवा पुरवठादार तुमच्या डिव्हाइसला त्याचा आयपी अ‍ॅड्रेस असाइन करतो आणि तो इंटरनेट वापरण्यासाठी आवश्यक असतो.
तुमच्या डिव्हाइसचे स्थान
तुम्ही Google अ‍ॅपला किंवा साइटला तुमच्या डिव्हाइसचे स्थान वापरण्याची परवानगी दिल्यास, ती माहिती तुम्ही कुठे आहात हे समजून घेण्यासाठी वापरली जाऊ शकते. जवळजवळ सर्व डिव्हाइसच्या ऑपरेटिंग सिस्टीममध्ये, सामान्यतः सेटिंग्जमध्ये बिल्ट इन स्थान सेटिंग असते.
Google वरील तुमची अ‍ॅक्टिव्हिटी
तुमच्या मागील Google शोधांच्या आधारे, Google तुम्ही जिथे आहात त्या सर्वसाधारण भागाचा अंदाज लावू शकते. उदाहरणार्थ, तुम्ही बरेचदा मुंबईमध्ये पिझ्झा शोधत असल्यास, तुम्हाला मुंबईमधील परिणाम पाहायचे असल्याची शक्यता असते.
तुमच्या लेबल केलेल्या जागा
तुम्ही तुमचा घराचा किंवा ऑफिसचा पत्ता सेट केल्यास, तुम्ही कुठे आहात याचा अंदाज लावण्यासाठी Google तो वापरू शकते. उदाहरणार्थ, तुम्ही तुमचा घराचा पत्ता सेट केल्यास आणि तुमचा आयपी अ‍ॅड्रेस, मागील अ‍ॅक्टिव्हिटी किंवा स्थानासंबंधित माहितीचे इतर स्रोत तुम्ही तुमच्या घराजवळ असू शकता असे सुचवत असल्यास, तुम्ही कुठे आहात याचा अंदाज म्हणून आम्ही तुमच्या घराचे स्थान वापरू.
माझे स्थान कोण पाहू शकते?
ते तुमच्यावर अवलंबून आहे. तुम्ही Google स्थान शेअरिंग वापरत असल्यास, सर्व Google सेवांवर मित्रमैत्रिणी आणि कुटुंब यांसोबत तुमचे रीअल-टाइम स्थान शेअर करू शकता.
तुम्ही तुमचे स्थान शेअर करत आहात का हे तपासा
स्थान शेअरिंग बाय डीफॉल्ट बंद असते. तुम्हाला तुमचे रीअल-टाइम स्थान शेअर करायचे असल्यास, ते कोणासोबत आणि किती कालावधीसाठी शेअर करायचे आहे हे निवडावे व कन्फर्म करावे लागेल. तुम्ही तुमचे स्थान शेअर करणे कधीही थांबवू शकता.
Google वर शेअर करणे
मी Google वर शेअर केल्यावर इतर लोक काय पाहू शकतात?
Google सेवांवर इतर लोक तुमच्याबद्दल काय पाहू शकतात, हे तुम्ही काय आणि कसे शेअर करता यावर अवलंबून असते:
सार्वजनिकरीत्या शेअर करणे
तुम्ही Google Maps सारख्या अ‍ॅप्सवर योगदान देत असल्यास, इतर लोक तुमचे नाव आणि फोटो पाहू शकतात. उदाहरणार्थ, तुम्ही आइस्क्रीमचे तुमचे आवडते दुकान रेट केल्यास आणि इतर लोकांनी ते दुकान Google Maps वर एक्सप्लोर केल्यास, ते तुमचे रेटिंग, नाव व फोटो पाहू शकतात.
खाजगीरीत्या शेअर करणे
तुम्ही इतरांसोबत फोटो, व्हिडिओ आणि दस्तऐवज यांसारख्या गोष्टी शेअर करत असल्यास, त्या पाठवत असलेल्या व्यक्तीला तुम्ही शेअर करत असलेल्या गोष्टींव्यतिरिक्त तुमचे नाव व फोटो पाहता येतो.
इतरांसोबत शेअर करताना काळजीपूर्वक विचार करा आणि तुम्ही कोणत्या पातळीचा अ‍ॅक्सेस देत आहात हे समजून घ्या. उदाहरणार्थ, Google Drive मधील फोल्डर किंवा Google Photos मधील अल्बम यांसारख्या गोष्टींचा अ‍ॅक्सेस शेअर करताना, लोकांना तुम्ही नवीन आशय जोडत असतानाही त्याचा अ‍ॅक्सेस कायम राहू शकतो.
मी शेअर करत असलेले फोटो, व्हिडिओ आणि दस्तऐवज यांसारख्या गोष्टी कोण पाहू शकते?
तुम्ही वापरत असलेल्या Google सेवांमध्ये इतर लोकांसोबत विशिष्ट आशय शेअर करणे निवडू शकता.
तुम्ही शेअर केल्यावर, इतर लोक ते Google च्या बाहेरील अ‍ॅप्समध्ये आणि साइटवरदेखील पुन्हा शेअर करू शकतात हे विसरू नका.
तुम्ही तुमचा स्वतःचा आशय कधीही हटवू शकता, पण त्यामुळे आधीच शेअर केलेल्या कॉपी हटवल्या जात नाहीत.
तुम्ही शेअर करत असलेल्या गोष्टीबद्दल विवेकबुद्धीने विचार करा आणि फक्त तुमचा विश्वास असलेल्या लोकांसोबत शेअर करा.
Google माझी वैयक्तिक माहिती कधीही इतरांसोबत शेअर करते का?
आम्हाला कायदेशीररीत्या शेअर करणे आवश्यक असण्यासारख्या मर्यादित बाबतीत वगळता, आम्ही तुमची माहिती Google च्या बाहेरील कंपन्या, संस्था किंवा व्यक्ती यांसोबत शेअर करत नाही.
तुमच्याकडे तुमच्या शाळेमार्फत Google खाते (Google Workspace for Education खाते) असल्यास, तुमचे खाते व्यवस्थापित करणाऱ्या अ‍ॅडमिनिस्ट्रेटरला तुमच्या माहितीचा अ‍ॅक्सेस असेल.
शाळेच्या अ‍ॅडमिनना असलेला अ‍ॅक्सेस
तुमच्या शाळेच्या अ‍ॅडमिनला तुमच्या Google Workspace for Education खात्यामधील पुढील माहिती अ‍ॅक्सेस करता येते:
- तुमच्या खात्यामध्ये स्टोअर केलेली माहिती ॲक्सेस करू आणि राखून ठेवू शकतील जसे की तुमचा ईमेल
- तुमच्या खात्याशी संबंधित आकडेवारी पाहू शकतील जसे की तुम्ही किती ॲप्स इंस्टॉल करता
- तुमच्या खात्याचा पासवर्ड बदलू शकतील
- तुमचा खाते ॲक्सेस निलंबित किंवा समाप्त करू शकतील
- लागू असलेल्या कायद्याचे, नियमनाचे, कायदेशीर प्रक्रियेचे किंवा अंमलबजावणी करण्यायोग्य शासकीय विनंतीचे समाधान करण्यासाठी तुमची खाते माहिती प्राप्त करू शकतील
- तुमच्या हटवण्‍याच्‍या किंवा माहिती संपादित करण्‍याच्‍या क्षमतेस किंवा गोपनीयता सेटिंग्ज प्रतिबंधित करू शकतील
Google तुमची माहिती का शेअर करू शकते
तुम्ही आम्हाला परवानगी दिल्यावर
उदाहरणार्थ, तुम्ही पिझ्झा ऑर्डर करण्यासाठी Google Assistant वापरत असल्यास, रेस्टॉरंटसोबत तुमचे नाव किंवा फोन नंबर शेअर करण्यापूर्वी आम्ही तुमची परवानगी घेऊ. तृतीय पक्ष ॲप्स आणि सेवा यांसह सुरक्षितपणे डेटा शेअर करण्यात Google तुम्हाला कशा प्रकारे मदत करते हे पहा
वर वर्णन केल्याप्रमाणे, डोमेन अ‍ॅडमिनिस्ट्रेटरसोबत.
बाह्य प्रक्रियेसाठी, आम्ही ज्यांच्यासोबत काम करतो त्या कंपन्यांना आम्ही देत असलेल्या सूचनांच्या आधारावर प्रक्रिया करण्याकरिता वैयक्तिक माहिती पुरवतो. उदाहरणार्थ, आम्हाला ग्राहक सपोर्टबाबत मदत करण्यासाठी आम्ही बाह्य कंपन्या वापरतो आणि वापरकर्त्यांच्या प्रश्नांना प्रतिसाद देण्याकरिता आम्हाला कंपनीसोबत वैयक्तिक माहिती शेअर करावी लागते.
कायदेशीर कारणांसाठी
पुढील गोष्टी करण्यासाठी वैयक्तिक माहिती पुरवणे आवश्यक आहे असे आम्हाला वाटल्यास, आम्ही ती Google च्या बाहेर शेअर करू:
- कोणताही लागू कायदा, नियमन, कायदेशीर प्रक्रिया किंवा अंमलबजावणी करण्यायोग्य सरकारी विनंती यांची पूर्तता करणे.
- संभाव्‍य उल्‍लंघनांच्‍या तपासणीसह लागू करण्यायोग्य सेवा अटींची सक्ती करा.
- शोधण्‍यासाठी, प्रतिबंधित करण्यासाठी किंवा अन्‍यथा पत्ता फसवणूक, सुरक्षितता किंवा तात्रिक समस्‍यांसाठी.
- हक्कांच्‍या, मालमत्तेच्‍या किंवा Google च्या, आमच्या वापरकर्त्यांच्या किंवा लोकांच्या सुरक्षिततेसाठी किंवा कायद्याद्वारे आवश्यक किंवा परवानगी असते तेव्हा हानीविरूद्ध संरक्षण करण्यासाठी.
डेटा आणि पर्सनलायझेशन
Google माझ्याबद्दलचा कोणता डेटा गोळा करते?
तुम्ही Google सेवा वापरता, तेव्हा त्या तुम्हाला पुरवण्यासाठी, तुमच्याकरिता त्या अधिक उपयुक्त बनवण्यासाठी आणि Google डेटा का गोळा करते? यामध्ये स्पष्ट केलेल्या इतर कारणांसाठी आम्हाला हवी असलेली माहिती आम्ही गोळा करतो.
तुम्ही तुमची सेटिंग्ज वापरून, आम्ही गोळा करत असलेला डेटा आणि आम्ही तो डेटा कसा वापरतो यावर मर्यादा घालू शकता. उदाहरणार्थ, आम्ही तुमचा YouTube इतिहास तुमच्या Google खाते मध्ये सेव्ह करू नये असे तुम्हाला वाटत असल्यास, तुम्ही YouTube इतिहास बंद करू शकता. Google ने काय सेव्ह करावे हे मला कसे ठरवता येईल? हे पहा
डेटा म्हणजे काय?
तुमच्या वैयक्तिक माहितीमध्ये तुम्ही आम्हाला पुरवलेल्या, तुम्हाला वैयक्तिकरीत्या ओळखणाऱ्या गोष्टींचा समावेश असतो, जसे की तुमचे नाव आणि ईमेल अ‍ॅड्रेस. त्यामध्ये तुमच्याशी वाजवीरीत्या जोडला जाऊ शकणारा इतर डेटादेखील असतो, जसे की आम्ही तुमच्या Google खाते मध्ये तुमच्याशी संबद्ध करत असलेली माहिती.
तुमच्या वैयक्तिक माहितीमध्ये दोन प्रकारच्या गोष्टी असतात:
तुम्ही पुरवत असलेल्या किंवा तयार करत असलेल्या गोष्टी
तुम्ही Google खाते तयार करता, तेव्हा आम्हाला तुमचे नाव आणि पासवर्ड यांसारखी वैयक्तिक माहिती पुरवता.
तुम्ही तयार, अपलोड करत असलेला किंवा इतरांकडून मिळवत असलेला ईमेल मेसेज आणि फोटो यांसारखा आशयदेखील तुम्ही सेव्ह करू शकता.
तुम्ही Google वर करत असलेल्या गोष्टी
आणखी चांगला अनुभव पुरवण्यासाठी, आम्ही आमच्या सेवांमधील तुमच्या अ‍ॅक्टिव्हिटीबद्दलची माहिती गोळा करतो, ज्यामध्ये तुम्ही शोधत असलेल्या संज्ञा आणि तुम्ही पाहत असलेले व्हिडिओ, तुम्ही ज्यांच्याशी संवाद साधता किंवा आशय शेअर करता ते लोक व तुमचा Chrome ब्राउझिंग इतिहास यांसारख्या गोष्टींचा समावेश असू शकतो.
तुम्ही Google सेवा अ‍ॅक्सेस करण्यासाठी वापरत असलेली अ‍ॅप्स, ब्राउझर आणि डिव्हाइस यांबद्दलची माहिती आम्ही गोळा करतो, जी तुमची बॅटरी संपत असताना तुमची स्क्रीन मंद करण्यासारखी वैशिष्ट्ये पुरवण्यात आम्हाला मदत करते.
आम्ही तुमच्या स्थानावर प्रक्रिया करतो, जसे की, तुम्ही टर्न-बाय-टर्न दिशानिर्देश यासारखी वैशिष्ट्ये वापरता तेव्हा. अधिक माहितीसाठी, स्थान विभाग पहा.
Google डेटा का गोळा करते?
आमच्या सेवा पुरवणे, त्या तुमच्यासाठी आणखी उपयुक्त बनवणे आणि आम्ही हा डेटा कशा प्रकारे वापरतो यामध्ये स्पष्ट केलेल्या इतर कारणांसाठी आम्हाला हवी असलेली माहिती आम्ही गोळा करतो.
उदाहरणार्थ, तुम्ही जिथे जात आहात तिथे रहदारी टाळून जाण्यात Google Maps तुम्हाला मदत करू शकते, कारण ते तुम्ही कुठे आहात याबद्दलची माहिती (तुमचा डेटा) सार्वजनिक डेटासोबत (नकाशे आणि सार्वजनिक ठिकाणांबद्दलची माहिती) एकत्रित करते.
आम्ही हा डेटा कशा प्रकारे वापरतो
आमच्या सेवा प्रदान करणे
आमच्या सेवा पुरवण्यासाठी आम्ही डेटा वापरतो, जसे की परिणाम मिळवण्यासाठी तुम्ही शोधत असलेल्या संज्ञांवर प्रक्रिया करणे.
आमच्या सेवा नियंत्रित ठेवणे आणि सुधारणे
आमच्या सेवांची देखभाल करण्यात आणि त्यांमध्ये सुधारणा करण्यात डेटा आम्हाला मदत करतो. उदाहरणार्थ, आम्ही आउटेज ट्रॅक करू शकतो. आणि कोणत्या शोध संज्ञांच्या शब्दलेखनात सर्वात जास्त वेळा चुका केल्या जातात हे समजून घेतल्याने आम्हाला आमच्या सर्व सेवांवरील स्पेल-चेक वैशिष्ट्यांमध्ये सुधारणा करण्यात मदत होते.
नवीन सेवा विकसित करणे
नवीन सेवा विकसित करण्यात डेटा आम्हाला मदत करतो. उदाहरणार्थ, आमचे पहिले फोटो अ‍ॅप, Picasa मध्ये लोक त्यांचे फोटो कसे संगतवार लावत होते हे आम्हाला समजले आणि आम्ही तो डेटा Google Photos डिझाइन व लाँच करण्यात मदत करण्यासाठी वापरला. आणि या सेवा विकसित करण्यासाठी व त्यांमध्ये सुधारणा करण्यासाठी आम्ही आमच्या जनरेटिव्ह AI उत्पादनांसह, आमच्या सेवांसोबतचे तुमचे संवाद वापरू शकतो.
आशय आणि जाहिरातींसह, पर्सनलाइझ केलेल्या सेवा पुरवणे
पर्सनलाइझ केलेला आशय पुरवण्यासाठी आम्ही डेटा वापरतो, उदाहरणार्थ, तुम्हाला आवडू शकतील अशा व्हिडिओसाठी शिफारशी. तुमची सेटिंग्ज आणि तुमचे वय काय आहे त्यानुसार, आम्ही तुम्हाला तुमच्या स्वारस्यांवर आधारित पर्सनलाइझ केलेल्या जाहिराती दाखवू शकतो.
परफॉर्मन्स मोजणे
परफॉर्मन्स मोजणे आणि आमच्या सेवा कशा वापरल्या जातात ते समजून घेणे यांसाठीदेखील आम्ही डेटा वापरतो
तुमच्याशी संप्रेषण करणे
आम्हाला संशयास्पद अ‍ॅक्टिव्हिटी आढळल्यास, तुम्हाला नोटिफिकेशन पाठवण्यासाठी आम्ही तुमचा ईमेल अ‍ॅड्रेस वापरू शकतो
Google, आमचे वापरकर्ते आणि लोकांचे संरक्षण करणे
लोकांना ऑनलाइन आणखी सुरक्षित ठेवण्यासाठी आम्ही डेटा वापरतो, जसे की, फसवणूक डिटेक्ट करणे आणि रोखणे
गोष्टी पर्सनलाइझ करण्यासाठी Google डेटा कसा वापरते?
आम्ही गोळा करत असलेली माहिती तुमच्यासाठी आमची ॲप्स आणि साइट अनुकूल करण्याकरिता वापरतो, उदाहरणार्थ:
- तुम्हाला आवडू शकतील अशा व्हिडिओसाठी शिफारशी
- तुम्ही Google सेवा कशा वापरता यानुसार अनुकूल केलेल्या सुरक्षा टिपा (सुरक्षा तपासणी पहा)
सेटिंग बंद असणे किंवा ठरावीक वयाच्या लोकांसाठी असणे यांसारख्या गोष्टी वगळता, जाहिराती पर्सनलाइझ करण्यासाठीदेखील आम्ही डेटा वापरतो.
मी पाहत असलेल्या जाहिराती Google पर्सनलाइझ करते का?
आम्ही दाखवत असलेल्या जाहिराती शक्य तितक्या उपयुक्त बनवण्याचा आम्ही प्रयत्न करतो. पण आम्ही ठरावीक वयाच्या किंवा जाहिरात पर्सनलायझेशन बंद करणार्‍या लोकांसाठी जाहिराती पर्सनलाइझ करत नाही.
आम्ही जाहिराती पर्सनलाइझ न करताही त्या उपयुक्त बनवू शकतो. उदाहरणार्थ, तुम्ही “नवीन शू” च्या परिणामांचे पेज पाहत असल्यास, तुम्हाला एखाद्या स्नीकर कंपनीची जाहिरात दिसू शकते. जाहिरात ही दिवसातील वेळ, तुमचे सर्वसाधारण स्थान आणि तुम्ही पाहत असलेल्या पेजचा आशय यांसारख्या सर्वसाधारण घटकांवर आधारित असू शकते.
नियंत्रण तुमच्याकडे आहे
Google ने माझ्या खात्यावर काय सेव्ह करावे हे मला कसे ठरवता येईल?
तुम्ही Photos सारखी Google सेवा वापरत असताना, तुम्हाला तुमच्या फोटोचा बॅकअप घ्यायचा आहे का आणि ते सिंक करायचे आहेत का यासारख्या गोष्टी ठरवू देणारी सेटिंग्ज असतात.
Google सेवांवरील तुमच्या ॲक्टिव्हिटीबद्दलची माहिती तुमच्या Google खाते मध्ये इतिहास म्हणून सेव्ह केली जावी की नाही आणि Google सेवांना तुमच्या Google खाते मधील माहिती तुमचा अनुभव पर्सनलाइझ करण्यासाठी वापरता येईल की नाही हे तुम्हाला ठरवू देणारी सेटिंग्जदेखील आहेत.
शोध सेवांमधील पर्सनलाइझ केलेल्या शिफारशी
Search, Maps, Shopping, हॉटेल, फ्लाइट, Translate आणि News यांसारख्या शोध सेवा तुमच्या Google खाते मधील तुमची प्रोफाइल माहिती व सेव्ह केलेला इतिहास यांसारख्या माहितीच्या आधारावर तुम्हाला पर्सनलाइझ केलेल्या शिफारशी देऊ शकतात की नाही हे यामुळे तुम्हाला निवडता येते. उदाहरणार्थ, शोध सेवा तुमच्या स्वारस्यांनुसार अनुकूल केलेले AI प्रतिसाद देण्यासाठी ती माहिती वापरू शकतात.
शोध सेवा इतिहास
तुमच्या शोधांसारखी शोध सेवांवरील तुमची ॲक्टिव्हिटी आणि तुमच्या सर्वसाधारण स्थानासारखी संबंधित माहिती यामुळे सेव्ह केली जाते. तुमची ॲक्टिव्हिटी शोध सेवांवरील तुमचे अनुभव अनुकूल करण्यासाठी वापरली जाते. उदाहरणार्थ, तुम्ही टाइप करण्यास सुरुवात करता, तेव्हा तुम्हाला सूचना म्हणून मागील शोध दिसू शकतात. Google हे AI मॉडेलसह Google सेवांमध्ये आणि तंत्रज्ञानांमध्ये सुधारणा करण्यात व Google, त्यांचे वापरकर्ते आणि लोक यांचे संरक्षण करण्यात मदत व्हावी, यासाठीदेखील तुमचा शोध सेवा इतिहास डेटा वापरते.
Google Play पर्सनलायझेशन
तुमचा अनुभव आणखी पर्सनलाइझ करण्यासाठी Google Play तुमच्या Google खाते मधील तुम्ही Google Play Store वरून खरेदी आणि डाउनलोड केलेल्या आयटमसारखी माहिती वापरू शकते की नाही हे यामुळे तुम्हाला निवडता येते. उदाहरणार्थ, तुमच्यासाठी अधिक चांगल्या ॲप्सची शिफारस करण्याकरिता, Google Play तुम्ही वापरत असलेल्या ॲप्समधून माहिती मिळवू शकते.
Google Play इतिहास
तुम्ही तुमच्या डिव्हाइसवर उघडता, त्या ॲप्ससारखी तुमची Google Play ॲक्टिव्हिटी तुमच्या Google खाते मध्ये यामुळे सेव्ह केली जाते. ही ॲक्टिव्हिटी संपूर्ण Google सेवांवर तुमचा अनुभव अनुकूल करण्यासाठी वापरली जाऊ शकते, जसे की तुम्ही शोधत असलेली ॲप्स अधिक जलद शोधण्यात तुम्हाला मदत करणे.
वेब आणि ॲप ॲक्टिव्हिटी
यामुळे Google TV सारख्या काही Google साइट आणि ॲप्स यांवरील तुमची ॲक्टिव्हिटी सेव्ह केली जाते व त्यामध्ये स्थानासारख्या संबंधित माहितीचा समावेश असतो. त्यामध्ये सिंक केलेला Chrome इतिहास आणि Google सेवा वापरणाऱ्या साइट, ॲप्स व डिव्हाइस यांवरील ॲक्टिव्हिटीदेखील सेव्ह केली जाते. तुम्हाला Google सेवांमध्ये अधिक चांगल्या शिफारशी आणि आणखी पर्सनलाइझ केलेले अनुभव देण्यासाठी तुमची ॲक्टिव्हिटी वापरली जाते.
YouTube इतिहास
तुम्ही YouTube वापरता, तेव्हा पाहत असलेले व्हिडिओ आणि शोधत असलेल्या गोष्टी सेव्ह करते. तुम्हाला अधिक चांगल्या शिफारशी देणे आणि तुम्ही जिथे सोडले होते तिथून पुढे सुरू करण्यात मदत करणे यांसारख्या गोष्टी करण्यासाठी तुमचा YouTube इतिहास वापरला जातो.
Gemini ॲप्स ॲक्टिव्हिटी
AI मॉडेलसह, Google सेवांमध्ये सुधारणा करण्यात मदत करण्यासाठी Google तुमची चॅट आणि तुम्ही Gemini सोबत शेअर करता त्या गोष्टी (जसे की फाइल व फोटो) यांसारखी तुमची Gemini ॲक्टिव्हिटी वापरू शकते की नाही हे यामुळे तुम्हाला निवडता येते. तुम्हाला तुम्ही चॅट जिथे सोडली होती तिथून कधीही सुरू करू देण्यासारख्या गोष्टी करण्यासाठीदेखील तुमची Gemini ॲप्स ॲक्टिव्हिटी वापरली जाते.
मला माझा डेटा कसा हटवता येईल?
तुमच्या Google खाते मध्ये सेव्ह केलेला डेटा तुम्ही हटवू शकता. तुम्ही कायमचा हटवण्यासाठी निवडलेला डेटा आमच्या सिस्टीममधून काढून टाकणे हे केले जाते. हा डेटा आमच्या सर्व्हरवरून पूर्णपणे काढला जाईल किंवा तुमच्याशी संबंध जोडला जाणार नाही अशा स्वरूपातच ठेवला जाईल याची खात्री करण्यासाठी, आम्ही काळजीपूर्वक प्रक्रिया करतो.
तुम्ही एंटर केलेले प्रॉम्प्ट आणि तुम्ही शोधलेल्या, वाचलेल्या व पाहिलेल्या गोष्टी यांसारख्या तुमच्या Google खाते मध्ये सेव्ह केलेल्या अ‍ॅक्टिव्हिटीचे पुनरावलोकन करण्यासाठी माझी अ‍ॅक्टिव्हिटी ला भेट द्या. तुम्ही विशिष्ट वेळेच्या रेंजमधील अ‍ॅक्टिव्हिटीचे विशिष्ट भाग किंवा तुमची पूर्ण अ‍ॅक्टिव्हिटी हटवू शकता.
तुम्ही तुमची ॲक्टिव्हिटी आपोआप हटवणे हेदेखील निवडू शकता.
मी माझा आशय कसा डाउनलोड करू?
तुमच्या आशयामध्ये ईमेल, फोटो, व्हिडिओ, दस्तऐवज, पत्रके, टिप्पण्या, संपर्क आणि कॅलेंडर इव्हेंट यांचा समावेश असतो.
तुमच्या आशयाचा बॅकअप घेण्यासाठी किंवा तुम्हाला वेगळी सेवा वापरून पाहायची असल्यास, तो दुसर्‍या कंपनीकडे नेण्यासाठी, त्याचे संग्रहण तयार करण्याकरिता तुमचा डेटा डाउनलोड करणे इथे भेट द्या.
मी साइन आउट केलेले असताना माझ्याकडे कोणती नियंत्रणे असतात?
तुम्ही साइन आउट केलेले असतानादेखील Google कसे वापरावे ते तुम्हाला निवडू देणारी नियंत्रणे तुमच्याकडे आहेत. तुम्ही साइन आउट केलेले असताना, ही सेटिंग्ज बदलण्यासाठी g.co/privacytools ला भेट द्या:
Search कस्टमायझेशन
अधिक सुसंबद्ध परिणाम आणि शिफारशींसाठी, या ब्राउझरवरील तुमचे Google शोध वापरते.
YouTube Search आणि पाहण्याचा इतिहास
तुमच्यासाठी YouTube पर्सनलाइझ करण्याकरिता, तुम्ही पाहत असलेले व्हिडिओ आणि तुम्ही शोधत असलेल्या गोष्टी यांसारखी YouTube वरील तुमची अ‍ॅक्टिव्हिटी वापरते.
तुम्ही तुमच्या ब्राउझरमधील काही किंवा सर्व कुकी ब्लॉकदेखील करू शकता, पण यामुळे वेबवरील ठरावीक वैशिष्ट्ये काम करणे बंद होऊ शकते. उदाहरणार्थ, तुम्हाला साइन इन करायचे असते, तेव्हा अनेक वेबसाइटना कुकी सुरू करण्याची आवश्यकता असते.
साइन आउट केलेले वापरकर्ते त्यांना पर्सनलाइझ केलेल्या जाहिराती पाहायच्या आहेत का हेदेखील निवडू शकतात, मात्र आम्ही ठरावीक वयाच्या लोकांसाठी जाहिराती पर्सनलाइझ करत नाही.